Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Fiskimálaráðið
  • Útgávudagur: 29-12-2017
Tilvísingar
Kunngerðablaðið
  • Kunngerðarblað 2017 A - Kunngerð 179 frá 29. desember 2017
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

29. desember 2017Nr. 179

Kunngerð um treytir fyri landing í Føroyum og uppboðssøla av veiddum fiski

Við heimild í § 49, stk. 2, § 50, stk. 2 og § 81, stk. 2 í løgtingslóg nr. 161 frá 18. desember 2017 um fyrisiting av sjófeingi verður ásett:

Landing í Føroyum

§ 1. Øll veiða hjá fiskiførum undir føroyskum flaggi skal landast um bryggjukant í Føroyum, samanber tó stk. 2.

Stk. 2. Nevndu fiskasløg eru fevnd av ásetingini í stk. 1:

1)   Blálonga.

2)   Brosma.

3)   Gulllaksur.

4)   Havtaska.

5)   Heystgýtandi sild.

6)   Hvítingur.

7)   Hýsa.

8)   Hummari.

9)   Kalvi.

10) Kongafiskur.

11) Liri.

12) Longa.

13) Makrelur.

14) Norðhavssild.

15) Reyðsprøka.

16) Skøta.

17) Steinbítur.

18) Svartkalvi.

19) Svartkjaftur.

20) Toskur.

21) Tunga.

22) Upsi.

Stk. 3. Øll veiða skal landast um eina innvigingarskipan, sum er góðkend av Fiskiveiðieftirlitinum.

Uppboðssøla av veiddum fiski

§ 2. Í tíðarskeiðinum 1. januar 2018 til 28. februar 2018 eru eingin fiskasløg ella fiskaúrdráttir fevnd av kravinum í § 50, stk. 1 í løgtingslógini um, at í minsta lagi 25% av allari veiðu hjá føroyskum fiskifari skal bjóðast út um góðkenda uppboðssølu í Føroyum.

Revsireglur

§ 3. Brot á § 1 verða revsað við sekt, er ikki harðari revsing ásett eftir aðrari lóg.

Stk. 2. Feløg og aðrir løgfrøðiligir persónar verða revsað sambært reglunum í kapitli 5 í revsilógini.

Stk. 3. Sambært § 87 í løgtingslógini kann Vørn beinanvegin taka aftur rættin til at reka vinnuligan fiskiskap, um brot er framt sambært stk. 1. Rætturin at reka vinnuligan fiskiskap kann takast aftur upp til 4 vikur hvørja ferð.

Gildiskoma

§ 4. Henda kunngerð kemur í gildi 1. januar 2018.

 

 

Fiskimálaráðið, 29. desember 2017

 

Høgni Hoydal (sign.)

landsstýrismaður

/ Rógvi Reinert (sign.)