Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Fiskimálaráðið
  • Útgávudagur: 30-12-2017
Tilvísingar
Kunngerðablaðið
  • Kunngerðarblað 2017 A - Kunngerð 188 frá 29. desember 2017
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

29. desember 2017Nr. 188

Kunngerð um at skipa fiskiskapin eftir djúphavsfiski, rækjum og øðrum fiski í altjóða sjógvi í NEAFC í 2018

Við heimild í § 34, stk. 1, 2. pkt. og stk. 2, § 39, stk. 1, nr. 1, 3 og 5, stk. 2, nr. 2, 4, 5 og 10 og stk. 3, § 44 og § 81, stk. 2 í løgtingslóg nr. 161 frá 18. desember 2017 um fyrisiting av sjófeingi verður ásett:

Kapittul 1

Virkisøki og allýsingar

Virkisøki

§ 1. Kunngerðin skipar fiskiskapin hjá fiskiførum undir føroyskum flaggi eftir djúphavsfiski, rækjum og øðrum fiski í NEAFC skipanarøkinum í 2018.

Allýsingar

§ 2. Í hesi kunngerð merkir:

1)   NEAFC: North East Atlantic Fisheries Commission, sum er fiskiveiðifelagsskapur fyri landnyrðingspartin av Atlantshavinum.

2)   NEAFC sáttmálaøkið: Tað økið, sum er umfatað av Sáttmálanum um framtíðar margparta samvinnu um fiskiskap í landnyrðingsatlantshavi frá 1980.

3)   NEAFC skipanarøkið: Tann parturin av NEAFC sáttmálaøkinum, sum er uttan fyri løgdømið hjá strandarlondum.

4)   Djúphavsfiskur: Tey fiskasløg, ið eru nevnd í skjali 1.

5)   Botnfiskiskapur: Fiskiskapur við reiðskapi, sum undir fiskiskapi vanliga nertir við havbotnin, herundir botntrol og botnlína.

Kapittul 2

Veiða eftir djúphavsfiski og øðrum fiski

Djúphavsfiskur yvirhøvur

§ 3. Fiskifør undir føroyskum flaggi kunnu í 2018 royna í mesta lagi 341 fiskidagar á teimum leiðum í NEAFC skipanarøkinum, har botnfiskiskapur er loyvdur, eftir teimum í skjali 1 nevndu fiskasløgum.

Langasporl

§ 4. Umframt avmarkingina í § 3 er veiða av langasporli í 2018 avmarkað við kvotum á ávísum leiðum, sum ásett í stk. 2-4. Kvoturnar eru felagskvotur fyri allar NEAFC sáttmálapartar.

Stk. 2. Veiða av kubbuta langasporli er avmarkað til í mesta lagi 717 tons á leiðum í NEAFC skipanarøkinum norðan fyri 43°00'00"N og vestan fyri eina linju drigna millum hesi støð:

1)   43°00'00"N, 18°00'00"V

2)   54°30'00"N, 18°00'00"V

3)   54°50'00"N, 24°00'00"V

4)   60°00'00"N, 24°00'00"V

Stk. 3. Veiða av kubbuta langasporli er avmarkað til í mesta lagi 526 tons á eini leið í NEAFC skipanarøkinum innan fyri eina linju drigna millum hesi støð:

1)   60°00'00"N, 18°00'00"V

2)   54°30'00"N, 18°00'00"V

3)   54°30'00"N, 24°00'00"V

4)   60°00'00"N, 24°00'00"V

5)   60°00'00"N, 18°00'00"V

Stk. 4. Veiða av kubbuta langasporli er avmarkað til í mesta lagi 1.170 tons á eini leið í NEAFC skipanarøkinum eystan fyri 18°00'00"V millum 48°00'00"N og 60°00'00"N.

Stk. 5. Beinleiðis veiða eftir rísna langasporli og trantlangasporli er bannað í teimum í stk. 2-4 nevndu økjum.

Búrfiskur

§ 5. Umframt avmarkingina í § 3 skal samlaða veiðan av búrfiski hjá fiskiførum undir føroyskum flaggi í NEAFC skipanarøkinum ikki fara upp um 150 tons í 2018.

Stk. 2. Norðan fyri 48°00'00"N í NEAFC skipanarøkinum er beinleiðis veiða eftir búrfiski bert loyvd vestan fyri eina linju drigna eftir 18°00'00"V.

§ 6. Beinleiðis fiskiskapur eftir búrfiski, sambært § 5, kann bert fara fram, um eygleiðari er umborð. Eygleiðarin skal, eftir leiðbeining frá Havstovuni, gera mátingar av fongi, taka sýni o.tíl. Eygleiðarin skal vera komin umborð, áðrenn fiskiskapurin byrjar. Fiskifarið ber útreiðslur til løn, kost og uppihald hjá eygleiðaranum. Eygleiðarin skal frítt kunna nýta samskiftisútgerð umborð til tess at hava samband við Vørn og við aðrar myndugleikar.

Fiskiloyvi

§ 7. Fiskiskapur eftir djúphavsfiski, sambært § 3, og langasporli, sambært § 4, kann bert fara fram við fiskiførum, sum eftir skrivligari umsókn hava fingið fiskiloyvi frá Vørn til slíkan fiskiskap.

Stk. 2. Bert persónar ella feløg, ið lúka treytirnar í §§ 5, 6, 7 og 9 og § 51, stk. 2 í løgtingslógini, kunnu fáa fiskiloyvi útskrivað sambært hesi kunngerð.

Stk. 3. Rættindi at fiska, sambært stk. 1, verða latin persóni ella felag, sum í tíðarskeiðinum 2006 til og við 2017 við fiskifari undir føroyskum flaggi hevur fiskað djúphavsfisk í NEAFC skipanarøkinum, ella sum í 2018 hava rætt til at fiska botnfisk í føroyskum sjógvi.

§ 8. Beinleiðis fiskiskapur eftir búrfiski, sambært § 5, kann bert fara fram við fiskifari, sum eftir skrivligari umsókn hevur fingið serstakt fiskiloyvi frá Vørn til slíkan fiskiskap.

Stk. 2. Rættindi at fiska, sambært stk. 1, verða latin tí persóni ella felag, sum í 2017 hevði serstakt loyvi til beinleiðis veiði eftir búrfiski í NEAFC skipanarøkinum. Fiskiskapurin eftir búrfiski í 2018, sambært hesi kunngerð, verður skipaður við felags árskvotu.

§ 9. Fiskiloyvi til rættindi sambært §§ 3-5 er samstundis ein góðkenning at reka fiskiveiðu í 2018 eftir ásetingunum í § 5, stk. 1 í løgtingslógini.

§ 10. Fiskifør undir føroyskum flaggi kunnu bert fara til fiskiskap í NEAFC skipanarøkinum, um Vørn hevur váttað, at tey eru á lista yvir fiskifør, sum eru fráboðað NEAFC at fiska í NEAFC skipanarøkinum.

Veiðibann fyri ávís fiskasløg

§ 11. Øll beinleiðis veiða eftir teimum í skjali 2 nevndu fiskasløgum er bannað.

Kapittul 3

Veiða eftir rækjum

§ 12. Fiskifør undir føroyskum flaggi kunnu í 2018 royna eftir rækjum í NEAFC skipanarøkinum, sum er norðan fyri 62°00'00''N.

Stk. 2. Rættindi at fiska rækjur, sambært stk. 1, verða latin teimum, sum í 2016 fingu fiskiloyvi av veiða rækjur í NEAFC skipanarøkinum.

Stk. 3. Tá roynt verður við troli eftir rækjum í NEAFC skipanarøkinum, skal trolið hava innsetta skiljirist. Skiljiristin skal í mesta lagi hava 22 mm millum rimarnar.

Kapittul 4

Ymiskar ásetingar

Tíðaravmarkað gýtingarfriðing

§ 13. Fyri at verja gýtingarleiðir hjá blálongu, er allur fiskiskapur við botnreiðskapi bannaður frá 15. februar til 15. apríl, báðir dagar íroknaðir, innan fyri linjur drignar millum hesi støð:

1)   60° 58'76 N, 27° 27'32 V

2)   60° 56'02 N, 27° 31'16 V

3)   60° 59'76 N, 27° 43'48 V

4)   61° 03'00 N, 27° 39'41 V

Hýsuleiðir

§ 14. Fyri at verja hýsu, er allur fiskiskapur, lína undantikin, bannaður á leiðum innan fyri linjur drignar millum hesi støð:

1)   57° 00'00 N, 15° 00'00 V

2)   57° 00'00 N, 14° 00'00 V

3)   56° 30'00 N, 14° 00'00 V

4)   56° 30'00 N, 15° 00'00 V

Hávafjarðar

§ 15. Tað er ikki loyvt at skera burtur hávafjarðar ella hava umborð, umskipa og landa hávafjarðar.

Leiðir, friðaðar fyri botnreiðskapi

§ 16. Fiskifør við fiskiloyvi sambært hesi kunngerð hava bert loyvi at royna við botnreiðskapi í NEAFC skipanarøkinum samsvarandi ásetingunum í kunngerð um økisfriðingar í altjóða sjógvi í NEAFC.

Gørn

§ 17. Øll veiða við gørnum er bannað á leiðum í NEAFC skipanarøkinum, har dýpið er meira enn 200 metrar.

Útblakingarbann

§ 18. Bannað er at blaka ella sleppa veiðu útaftur.

Sýni

§ 19. Fiskifør, ið fiska sambært hesi kunngerð, kunnu verða áløgd at taka sýni av veiðuni.

§ 20. Fiskifør, ið fiska sambært hesi kunngerð, kunnu verða áløgd at gera kanningar av veiðuni, herundir av stødd, vekt og dygd.

Fráboðanir

§ 21. Fiskifør, sum fiska í NEAFC skipanarøkinum sambært hesi kunngerð, skulu senda hesar fráboðanir til Vørn samsvarandi skjali 3:

1)   Fráboðan um, at fiskiskapur byrjar. Tá farið verður í NEAFC skipanarøkið, skal fráboðanin sendast, í fyrsta lagi 6 tímar og í seinasta lagi 2 tímar, áðrenn skipið kemur inn í NEAFC skipanarøkið.

2)   Veiðifráboðan hvønn dag. Skipið skal, hvønn fyrrapart áðrenn kl. 12 UTC, boða frá veiðu fyri undanfarna samdøgur. Fráboðanin skal sendast, sjálvt um eingin veiða er fingin.

3)   Fráboðan um, at fiskiskapur endar. Tá farið verður úr NEAFC skipanarøkinum, skal fráboðanin sendast, í fyrsta lagi 6 tímar og í seinasta lagi 2 tímar, áðrenn skipið fer úr NEAFC skipanarøkinum.

Kapittul 5

Revsireglur og gildistíð

Revsing

§ 22. Brot á § 4, stk. 5, § 5, stk. 2, § 6, § 7, stk. 1, § 8, stk. 1, § 10, § 12, stk. 3, §§ 13-18 og 21 verða revsað við sekt, er ikki harðari revsing ásett eftir aðrari lóg. Á sama hátt verður tann revsaður, sum ikki fylgir boðum sambært §§ 19 ella 20.

Stk. 2. Feløg og aðrir løgfrøðiligir persónar verða revsað sambært reglunum í kapitli 5 í revsilógini.

Stk. 3. Sambært § 87 í løgtingslógini kann Vørn beinanvegin taka aftur rættin til at reka vinnuligan fiskiskap, um brot er framt sambært stk. 1. Rætturin at reka vinnuligan fiskiskap kann takast aftur upp til 4 vikur hvørja ferð.

Gildistíð

§ 23. Henda kunngerð kemur í gildi 1. januar 2018 og fer úr gildi 31. desember 2018.

 

 

Fiskimálaráðið, 29. desember 2017

 

Høgni Hoydal (sign.)

landsstýrismaður

/ Rógvi Reinert (sign.)

 

 

 

 

Skjal 1

 

Fiskasløg, fevnd av skipanini í fiskiskapi eftir djúphavsfiski í altjóða sjógvi (NEAFC) við fiskidøgum

 

Føroyskt navn

Enskt navn

Latínskt navn

Glámur, slætthøvd

Bairds's smoothhead

Alepocehalus bairdii

Risso's smoothhead

Risso's smoothhead

Alepocephalus rostratus

Rottutrónur

Blue antimora

Antimora rostrata

Stinglaksur

Black scabbardfish

Aphanopus carbo

Gulllaksur

Greater silver smelt

Argentina silus

Alfonsinus

Alfonsinus

Beryx spp.

Brosma

Tusk

Brosme brosme

Krabbi

Deep-water red crab

Chacon (Geyron) affinis

Havállur

Conger eel

Conger conger

Kubbuta langasporl

Roundnose grenadier

Coryphaenoides rupestris

Kikarafiskur

Black cardinal fish

Epigonus telescopus

Kjaftsvarti kongafiskur

Bluemouth redfish

Helicolenus dactylopterus

Búrfiskur

Orange roughy

Hoplostethus atlanticus

Brynjubúrfiskur

Silver roughy (pink)

Hoplostethus mediterraneus

Silvurstinglaksur

Silver scabbard fish

Lepidopus caudatus

Úlvfiskur

Eelpout

Lycodes esmarkii

Rísna langasporl

Roughhead grenadier

Marcrourus berglax

Blálonga

Blue ling

Molva dypterigia

Longa

Ling

Molva molva

Morafiskur

Common mora

Mora moro

Red sea bream

Red sea bream

Pagellus bogaraveo

Lítlabrosma

Forkbeards

Phycis spp.

Rekfiskur

Wreckfish

Polyprion americanus

Klingruskøta

Round skate

Raja fyllae

Íshavsskøta

Artic skate

Raja hyperborea

Svartaskøta

Norwegian skate

Raja nidarosiensis

Svartkalvi

Greenland halibut

Reinhardtius hippoglossoides

Lítli kongafiskur

Small redfish

Sebastes viviparus

Spiny scorpionfish

Trant langasporl

Spiny scorpionfish

Roughsnout grenadier

Trachyscorpia cristulata.

Trachyrinchus scabrus

 

 

 

 

Skjal 2

 

Allur beinleiðis fiskiskapur eftir hesum fiskasløgum er bannaður:

 

Føroyskt navn

Enskt navn

Latínskt navn

Brugda

Basking shark

Cetorhinus maximus

Hemari

Porbeagle

Lamna nasus

Hávur

Spiny dogfish, spurdog

Squalus acantihias

Íslandshávur

Iceland catshark

Apristuris spp.

Gulper shark

Gulper shark

Centrophorus granulosus

Skrubbhávur

Leafscale gulper shark

Centrophorus squamosus

Svarthávur

Black dogfish

Centroscyllium fabricii

Glíggjhávur

Portuguese dogfish

Centroscymnus coelolepis

Langitrantur

Longnose velvet dogfish

Centroscymnus crepidater

Állahávur

Frilled shark

Chlamydoselachus anguineus

Høvuðlítli hávur

Kitefin shark

Dalatias licha

Nevhávur

Birdbeak dogfish

Deania calceus

Døkkhávur

Great lanternshark

Etmopterus princeps

Búksvarti hávur

Velvet belly

Etmopterus spinax

Ringhávur

Blackmouth dogfish

Galeus melastomus

Jensens hávur

Mouse catshark

Galeus murinus

Sekstáknuhávur

Bluntnose six-gilled shark

Hexanchus griseus

Hornhávur

Sailfin roughshark (Sharpback shark)

Oxynotus paradoxus

Knifetooth dogfish

Knifetooth dogfish

Scymnodon ringens

Hákelling

Greenland shark

Somniosus microcephalus

Havmús

Rabbit fish

Chimaera monstrosa

Fjaðurfagra havmús

Large-eyed rabbit fish (ratfish)

Hydrolagus mirabilis

Tranthavmús

Straightnose rabbitfish

Rhinochimaera atlantica

 

 

 

 

Skjal 3

 

Fráboðanir til Vørn

 

Niðanfyri standandi fráboðanir skulu sendast Vørn í XML sniði umvegis heimasíðuna, www.vorn.fo, undir “talgild móttøka”. Fráboðanir kunnu eisini sendast umvegis heimasíðuna, www.vorn.fo, undir “fráboðanir”.

 

1) COE - Fráboðan um, at fiskiskapur byrjar. Skal sendast, í fyrsta lagi 6 tímar og í seinasta lagi 2 tímar, áðrenn skipið kemur inn í NEAFC skipanarøkið.

 

Fráboðanin skal hava fylgjandi tekst:

Dataelement

Koda

Frágreiðing

Fráboðan

TM

COE, fráboðan um, at fiskiskapur byrjar

(Catch on Entry)

Raðnummar

SQ

Nummar á fráboðanini

Loyvisnummar

LC

Nummar á fiskiloyvi

Beinleiðis veiða

DS

Fiskaslag sum beinleiðis veiða er eftir

Radio kallimerki

RC

Kallimerki hjá skipinum

IMO nummar

IM

IMO nummar á skipinum

Túranummar

TN

Túrur hjá skipinum í hesum árinum

Skip

NA

Navn á skipinum

Skipari

MA

Navn á skiparanum

Havnarkenningarnummar

XR

Havnarkenningarnummar hjá skipinum

Veiðiøki

RA

Økið hagar skipið fer til fiskiskap

Breiddarstig

LA

Knattstøða (N/S breidd), tá fráboðanin verður send

Longdarstig

LO

Knattstøða (E/V longd), tá fráboðanin verður send

Veiða umborð

OB

Veiða umborð flokkað eftir fiskasløgum (FAO 3 alpha kodu. Veiðan skal gevast upp í rundari vekt í kg.

Dagfesting

DA

Dagfesting, tá fráboðanin er send (dd-mm-yyyy)

Klokkutíð

TI

Klokkutíð, tá fráboðanin er send í UTC (24M h:m)

Viðmerkingar

RE

Viðmerkingar

 

 

2) CAT – Veiðifráboðan hvønn dag. Fráboðanin skal sendast, sjálvt um eingin veiða er fingin. Skal sendast dagliga fyrrapartin áðrenn kl. 12 UTC.

 

Fráboðanin skal hava fylgjandi tekst:

Dataelement

Koda

Frágreiðing

Fráboðan

TM

CAT, veiðifráboðan (Daily Catch report)

Raðnummar

SQ

Nummar á fráboðanini

Loyvisnummar

LC

Nummar á fiskiloyvi

Beinleiðis veiða

DS

Fiskaslag, sum beinleiðis veiða er eftir

Radio kallimerki

RC

Kallimerki hjá skipinum

IMO nummar

IM

IMO nummar á skipinum (um tøkt)

Túranummar

TN

Túrur hjá skipinum í hesum árinum

Skip

NA

Navn á skipinum

Skipari

MA

Navn á skiparanum

Havnarkenningarnummar

XR

Havnarkenningarnummar hjá skipinum

Veiðiøki

RA

Økið har skipið er til fiskiskap

Breiddarstig

LA

Knattstøða (N/S breidd), tá fráboðanin verður send

Longdarstig

LO

Knattstøða (E/V longd), tá fráboðanin verður send

Veiða

CA

Veiða undanfarna samdøgur frá 00.00 til 23.59(CAT), flokkað eftir fiskasløgum (FAO 3 alpha kodu). Veiðan skal gevast upp í rundari vekt í kg.

Samlað veiða umborð

TC

Samlað veiða umborð (FAO 3 alpha kodu), í rundari vekt í kg.

Dagfesting

DA

Dagfesting, tá fráboðanin er send (dd-mm-yyyy)

Klokkutíð

TI

Klokkutíð, tá fráboðanin er send í UTC (24H h:m)

Viðmerkingar

RE

Viðmerkingar

 

 

3) COX - Fráboðan um, at fiskiskapur endar. Skal sendast, í fyrsta lagi 6 tímar og í seinasta lagi 2 tímar, áðrenn skipið fer úr NEAFC skipanarøkinum.

 

Fráboðanin skal hava fylgjandi tekst:

Dataelement

Koda

Frágreiðing

Fráboðan

TM

COX, fráboðan, at fiskiskapur endar (Catch on Exit)

Raðnummar

SQ

Nummar á fráboðanini

Loyvisnummar

LC

Nummar á fiskiloyvi

Beinleiðis veiða

DS

Fiskaslag, sum beinleiðis veiða hevur verið eftir

Radio kallimerki

RC

Kallimerki hjá skipinum

IMO nummar

IM

IMO nummar á skipinum (um tøkt)

Túranummar

TN

Túrur hjá skipinum í hesum árinum

Skip

NA

Navn á skipinum

Skipari

MA

Navn á skiparanum

Havnarkenningarnummar

XR

Havnarkenningarnummar hjá skipinum

Veiðiøki

RA

Økið hvaðani skipið kemur av fiskiskapi

Breiddarstig

LA

Knattstøða (N/S breidd), tá fráboðanin verður send

Longdarstig

LO

Knattstøða (E/V longd), tá fráboðanin verður send

Veiða

CA

Veiða, fiskað undanfarna samdøgur frá 00.00-23.59, flokkað eftir fiskasløgum (FAO 3 alpha kodu). Veiðan skal gevast upp í rundari vekt í kg.

Samlað veiða umborð

TC

Samlað veiða umborð (FAO 3 alpha kodu), í rundari vekt í kg.

Móttøkuhavn

PO

Havn har fiskurin verður uppskipaður/umskipaður

Landað ella umskipað

TR

Upplýs hvat virki ella skip veiðan verður landað ella umskipað til.

Dagur, tá veiðan verður landað ella umskipað

PD

Dagurin, tá mett verður, at veiðan verður landað ella umskipað (dd-mm-yyyy)

Klokkutíð har veiðan verður landað ella umskipað

PT

Tíð á degnum mett verður, at veiðan verður landað ella umskipað (24H h:m)

Dagfesting

DA

Dagfesting, tá fráboðanin er send (dd-mm-yyyy)

Klokkutíð

TI

Klokkutíð, tá fráboðanin er send í UTC (24H h:m)

Viðmerking

RE

Viðmerking