Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Uttanríkis- og vinnumálaráðið
  • Útgávudagur: 10-04-2017
Tilvísingar
Kunngerðablaðið
  • Kunngerðarblað 2017 A - Kunngerð 40 frá 5. apríl 2017
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

Nr. 40                                                                                                                                  5. apríl 2017

Kunngerð frá Sjóvinnustýrinum um byggikrøv og útgerðarkrøv o.a. til ferðamannaskip í innanoyggjasigling 1)

(Fráboðan D)

Við heimild í § 2, stk. 2, §§ 7-11 og 14, § 15, stk. 2, § 18, stk. 2 og 3 og § 49, stk. 2 í løgtingslóg nr. 165 frá 21. desember 2001 um trygd á sjónum, sum broytt við løgtingslóg nr. 71 frá 30. mai 2011, løgtingslóg nr. 61 frá 17. mai 2013 og løgtingslóg nr. 122 frá 15. desember 2014, verður ásett:

§ 1. Samsvarandi ásetingunum í kap. D I, reglu 1 í skjali 1, er henda kunngerð galdandi fyri ferðamannaskip og skjóttgangandi ferðamannaskip, High Speed Crafts, í innanoyggja sigling uttan mun til, hvørjum flaggi skipið siglir undir.

Stk. 2. Tær higartil galdandi reglurnar fyri ferðamannaskip og skjóttgangandi ferðamannaskip í innanoyggja sigling eru tó framvegis galdandi fyri verandi skip uttan so, at annað verður ásett í hesi kunngerð.

§ 2. Øll ferðamannaskip í innanoyggja sigling skulu góðkennast av Sjóvinnustýrinum, áðrenn tey annaðhvørt sum nýbygd ella innflutt úr útlandinum fara í sigling. Sjóvinnustýrið kann sum treyt fyri góðkenningini krevja, at ferðamannaskipið hevur eitt trygdarstøði samsvarandi galdandi reglum.

§ 3. Nærri teknisku ásetingarnar um byggikrøv og útgerð o.a. eru at finna í skjali 2 og 3. Harumframt inniheldur skjal 3 nærri reglur um ferðamannaskip undir 15 metrar, bygd úr trevjuglasi.

§ 4. Eitt eintak av hesi kunngerð skal altíð vera til staðar umborð á skipum, 15 metrar og longri, ið eru fevnd av kunngerðini. Hetta kravið kann tó eisini lúkast við at hava elektroniska atgongd til hesa kunngerð umborð.

§ 5. Brot á ásetingarnar í hesi kunngerð verða revsað við sekt ella fongsul í upp til 2 ár.

Stk. 2. Feløg og aðrir løgfrøðiligir persónar verða revsaðir sambært reglunum í kapittul 5 í revsilógini.

§ 6. Henda kunngerð kemur í gildi dagin eftir, at hon er kunngjørd.

Stk. 2. Uttan so, at annað er ásett í hesi kunngerð, eru byggikrøvini sbrt. higartil galdandi reglum framvegis galdandi fyri verandi ferðamannaskip í innanoyggja sigling.

Stk. 3. Loyvisbrøv við tilhoyrandi samsvarsskjali, parti 1 og parti 2, ið eru útskrivað sbrt. reglu 5, kap. XIII í skjali 2, varðveita sítt gildi, til freistin at fremja endurnýggjanar sýn er gingin út.

 

 

Sjóvinnustýrið, 5. apríl 2017

 

Hans Johannes á Brúgv (sign.)

 

/ Gunnvá S. á Lofti (sign.)



1) Fylgiskjølini eru ikki løgd út á logir.fo, men eru at finna í Kunngerðablaðnum, sí vinstra bredda á logir.fo, og á Regluportalinum hjá Sjóvinnustýrinum.