Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Løgtingslóg
  • Gildisstøða: Galdandi
  • Felagsmál/Sermál: Sermál
  • Myndugleiki: Uttanríkis- og vinnumálaráðið
  • Útgávudagur: 14-07-2017
Tilvísingar
Kunngerðablaðið
  • Kunngerðarblað 2017 A - Løgtingslóg 102 frá 13. juli 2017
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

13. juli 2017Nr. 102

Løgtingslóg um broyting í løgtingslóg um matvørur v.m.

(Ávís matvøruframleiðsla til heimamarknaðin undantikin frá vanligu reglunum um løggilding ella skráseting)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 58 frá 26. mai 2010, sum broytt við løgtingslóg nr. 86 frá 22. mai 2015 og løgtingslóg nr. 51 frá 6. mai 2016, verða gjørdar hesar broytingar:

 

1.    Í § 26, stk. 3 verður aftan á “matvøruvirkjum” sett: “, undir hesum heilsølur, smásølur, matarhallir, torg, fyribils sølustøð o.a.,”

 

2.    § 32 verður orðað soleiðis:

§ 32. Framleiðarar í fyrsta liði kunnu, hóast ásetingina í § 26, slátra egin djór og tilvirka  slátrið til nýtslu í egnum húsarhaldi og til sølu beinleiðis ella umvegis heilsølu ella smásølu til endaliga brúkaran á heimamarknaðinum. Landsstýrismaðurin ásetur nærri reglur um treytirnar fyri slátur og marknaðarføring hjá framleiðarum frá egnum virki beinleiðis ella umvegis heilsølu ella smásølu til brúkaran o.a.

Stk. 2. Á sama hátt sum eftir stk. 1 kunnu matvørur frá veiðu, frá egnum garði ella fari framleiðarans verða seldar endaliga brúkaranum á heimamarknaðinum eftir reglum, sum landsstýrismaðurin ásetur.

Stk. 3. Ásetingarnar sambært hesi grein fevna ikki um fisk og fiskavørur, tá talan er um sølu umvegis heilsølu ella smásølu til endaliga brúkaran á heimamarknaðinum.

Stk. 4. Loyvi at selja matvørur sambært stk. 1 og 2 er treytað av, at árligi umsetningur framleiðarans er niðanfyri eitt av landsstýrismanninum ásett mark, sum í mesta lagi kann vera 1 mió. kr.”

 

3.    § 33 verður orðað soleiðis:

§ 33. Tilvirkan av matvørum úr góðkendum føroyskum og útlendskum rávørum frá mjólkaúrdrátti og svínakjøti kann, hóast ásetingina í § 26, fara fram til sølu beinleiðis ella umvegis heilsølu ella smásølu til endaliga brúkaran á heimamarknaðinum eftir reglum, sum landsstýrismaðurin ásetur.

Stk. 2. Loyvi at selja matvørur sambært stk. 1 er treytað av, at árligi umsetningur framleiðarans er niðan fyri eitt av landsstýrismanninum ásett mark, sum í mesta lagi kann vera 1 mió. kr.”

§ 2

Henda løgtingslóg kemur í gildi dagin eftir, at hon er kunngjørd.

 

 

Í Tinganesi, 13. juli 2017

 

Aksel V. Johannesen (sign.)

løgmaður

 

Lm. nr. 60/2016