30. apríl 2018Nr. 58
Løgtingslóg um at umbyggja og útbyggja miðnámsskúlan á Kambsdali
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1. Landsstýrismanninum verður heimilað at skipa fyri, at miðnámsskúlin á Kambsdali verður umbygdur og útbygdur.
Stk. 2. Byggiútreiðslurnar kunnu í mesta lagi verða 30 mió. kr., íroknað at nýbyggja náttúruvísindaliga økið, útbyggja felagsøkið, køkin, undirvísingarhøli vegna økt virksemi, prosjektering, innbúgv umframt at liðugtgera seinastu útbygging.
§ 2. Henda løgtingslóg kemur í gildi dagin eftir, at hon er kunngjørd og fer úr gildi 31. desember 2021.
Í Tinganesi, 30. apríl 2018
Aksel V. Johannesen (sign.)
løgmaður
Lm. nr. 112/2017