13. februar 2020Nr. 10
Kunngerð um broyting í kunngerð um áseting av søluprísi á heilivági
(Lækking av avsláttri)
§ 1
Í kunngerð nr. 113 frá 1. juli 1992 um áseting av søluprísi á heilivági, sum broytt við kunngerð nr. 17 frá 10. mars 1997, kunngerð nr. 70 frá 28. mai 2009, kunngerð nr. 81 frá 28. juni 2010, kunngerð nr. 41 frá 8. mai 2012, kunngerð nr. 137 frá 22. desember 2014, kunngerð nr. 40 frá 2. mai 2016 og kunngerð nr. 72 frá 7. mai 2018, verður § 2, stk. 2 orðað soleiðis:
“Stk. 2. Frumsøluprísurin til heilivágsgoymslur á sjúkrahúsum og til landbúnaðin skal ásetast til 86 % av frumsøluprísi, ásettur eftir stk. 1. Frumsøluprísurin til havbúnaðin skal ásetast til 90% av frumsøluprísi, ásettur eftir stk. 1.”
§ 2
Henda kunngerð kemur í gildi dagin eftir, at hon er kunngjørd.
Heilsumálaráðið, 13. februar 2020
Kaj Leo Holm Johannesen (sign.)
landsstýrismaður
/ Turid Arge (sign.)