Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
29. januar 2013Nr. 10
Kunngerð um broyting í kunngerð um gjøld innan eldrarøktina
§ 1
Í kunngerð nr. 151 frá 6. desember 2011 um gjøld innan eldrarøktina verða gjørdar hesar broytingar:
1. Heitið á kunngerðini verður orðað soleiðis:
“Kunngerð um gjald fyri uppihald á ellis- og røktarheimum og á eldrasambýlum”.
2. Í § 2 verður sum stk. 3 sett:
“Stk. 3. Inntøkugrundarlagið verður roknað sambært ásetingunum í § 20, stk. 1-5 í løgtingslóg um almannapensjónir.”
3. Í § 3, stk. 2 verður “sum kemur aftaná mánaðin,” strikað.
4. Í § 3, stk. 4 verður “við endan av tí mánaði” broytt til: “fyri mánaðin”.
5. § 5 verður orðað soleiðis:
“§ 5. Áðrenn flutt verður inn, verður skrivlig avtala gjørd millum Almannaverkið og pensjónistin um gjaldstreytirnar á ellis- og røktarheiminum ella á eldrasambýlinum.”
§ 2
Henda kunngerð kemur í gildi dagin eftir, at hon er kunngjørd.
Almannamálaráðið, 29. januar 2013
Annika Olsen (sign.)
landsstýriskvinna
/ Eyðun Mohr Hansen (sign.)
