12. oktober 2012Nr. 100
Kunngerð um gjald fyri skeið innan trygd á sjónum
Við heimild í § 6, stk. 2 í løgtingslóg nr. 55 frá 24. apríl 2001 um útbúgving av manning á skipum o.ø. verður ásett:
§ 1. Skúli, sum bjóðar út skeið innan trygd á sjónum, verður heimilaður at áseta gjøld fyri lógarkravda skeiðið.
Stk. 2. Gjald fyri lógarkravt skeið innan trygd á sjónum kann í mesta lagi vera:
1) fyri næming í fólkaskúla/sjóvinnubreyt kr. 2500,-,
2) fyri sjófólk kr. 4000.
§ 2. Henda kunngerð kemur í gildi dagin eftir, at hon er kunngjørd. 17
Mentamálaráðið, 12. oktober 2012
Bjørn Kalsø (sign.)
landsstýrismaður
/ Poul Geert Hansen (sign.)
