Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
14. oktober 2024Nr. 103
Kunngerð um broyting í kunngerð um reglur at fremja gott skil og umsjón við næmingunum í skúlatíðini
(Fartelefonir í skúlatíðini o.a.)
§ 1
Í kunngerð nr. 68 frá 9. juni 2010 um reglur at fremja gott skil og umsjón við næmingunum í skúlatíðini verða gjørdar hesar broytingar:
1. Inngangurin verður orðaður soleiðis:
“Við heimild í § 60 í løgtingslóg nr. 125 frá 20. juni 1997 um fólkaskúlan verður ásett:”
2. Í § 1, stk. 1 verður aftan á “gott skil” sett: “og virðiligt samskifti” og aftan á “happing” verður sett: “og um at tálma fartelefonnýtslu í skúladegnum”.
3. § 1, stk. 3 verður orðað soleiðis:
“Stk. 3. Námsfrøðiliga ráðið og næmingaráðið skulu hava uppskotið til reglur sbrt. stk. 1 til ummælis, og skúlaleiðarin skal verða hoyrdur.”
§ 2
Henda kunngerð kemur í gildi dagin eftir, at hon er kunngjørd.
Barna- og útbúgvingarmálaráðið, 14. oktober 2024
Djóni Nólsøe Joensen (sign.)
landsstýrismaður
/ Poul Geert Hansen (sign.)
