Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
22. juni 1995Nr. 104
Kunngerð um flutnings- og ferðaendurgjald til sjúklingar innanoyggja
Við heimild í §§ 7 og 8 í lóg nr. 621 frá 22. desember 1976 um “Færøernes Sygehusvæsen” við seinni broytingum hevur landsstýrið fyrisett:
§ 1. Sjúkrahúsverkinum er heimilað at veita flutnings- ella ferðaendurgjald eftir reglum í hesi kunngerð til persónar, ið hava rætt til fríar veitingar sambært sjúkrahúslógini.
Stk. 2. Flutnings- ella ferðaendurgjald verður veitt í samband við flutning millum bústað ella uppihaldsstað og viðgerðarstaðið.
Stk. 3. Flutningur skal fara fram við tí eftir umstøðunum bíligasta, fullgóða flutningsfari.
§ 2. Flutningur við sjúkrabili ella øðrum flutningsfari verður veittur persónum, har støðan ger flutning neyðugan.
Stk. 2. Val av flutningsfari skal gerast í samráð við sjúkrahúsverkið.
§ 3. Endurgjald fyri ferðaútreiðslur verður latið fyri útreiðslur størri enn 800 kr. í einum kallendaraári.
Stk. 2. Endurgjald verður veitt fyri ferðing við almennum flutningsfari ella samsvarandi upphædd.
§ 4. Heimild er at veita sjúklingum undir 18 ár endurgjald fyri fylgjara eftir § 3.
§ 5. Avgerðir tiknar sambært hesi kunngerð kunnu kærast til landsstýrið innan 4 vikur aftaná, at viðkomandi hevur fingið boð um avgerðina.
§ 6. Henda kunngerð fær gildi 1. juli 1995.
