Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
6. august 2009Nr. 105
Kunngerð um gjøld fyri ymsar uppgávur í sambandi við vinnuliga kaving
Við heimild í § 17, stk.1 í løgtingslóg nr. 46 frá 15. mai 2007 um kavaravinnu og kavaraútgerð, verður ásett:
§ 1. Fyri eftirlit og tænastur v.m. sambært ásetingunum í lógini um kavaravinnu og kavaraútgerð tekur Arbeiðseftirlitið gjald sbrt. § 2 og § 3 í hesi kunnngerð.
§ 2. Gjøld fyri prógv sum vinnukavari, sbrt. § 23, stk. 4, í kunngerð um kavaraskúlar, kavaraskeið og góðkenda kavaraútbúgving, eru hesi:
1) Útskriva prógv (vanlig) Kr. 1.000,00
2) Útskriva prógv (skiftisreglur) Kr. 1.000.00.
3) Útskriva prógv (burturblivið) Kr. 350,00.
4) Umbýti av útlendskum prógvi Kr. 1.000,00 .
§ 3. Gjald fyri eftirlit sbrt. § 27, stk. 2. í kunngerð um útinnan av kavaraarbeiði á tryggan hátt er:
1) Eftirlit við at ásetingar verða hildnar kr. 2.500,00.
§ 4. Henda kunngerð kemur í gildi dagin eftir, at hon er kunngjørd.
Vinnumálaráðið, 6. august 2009
Johan Dahl (sign.)
landsstýrismaður
/ Arne Poulsen (sign.)
