Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
29. juni 1992Nr. 105
Kunngerð um fiskivinnuhagtøl fyri føroysk fiskifør
Við heimild í løgtingslóg nr. 1 frá 3. januar 1950 um statistikk hevur landsstýrið fyrisett:
§ 1. Skipari, ella bátsformaður, á føroyskum fiskifari hevur ábyrgdina av, at allar hagtalsskyldur hjá føroyskum fiskiførum viðvíkjandi fiskiveiðihagtølum verða loknar.
§ 2. Hagtalsskyldurnar eru loknar, tá
a) landað verður til eina góðkenda innvigingarskipan í Føroyum og tær upplýsingar, sum eru neyðugar eru latnar fiskikeyparanum,
b) veiða er uppgivin á góðkent oyðiblað fyri avreiðingar í útlondum,
c) fiskifør, sum eru yvir 100 BRT og/ella fiska uttan fyri føroysku landleiðina, hava sent inn tvítak av rætt útfyltari skipsdagbók,
d) aðrar ásetingar, sum eru treytaðar av tveyvegis ella fleirvegis fiskivinnusáttmálum, eru uppfyltar.
§ 3. Brot móti ásetanum í hesi kunngerð koma undir bót.
§ 4. Henda kunngerð fær gildi dagin eftir, at hon er kunngjørd. Samstundis fer úr gildi kunngerð nr. 7 frá 9. januar 1980 um fiskiveiðihagtøl fyri Føroyar.
