Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
25. juni 2021Nr. 107
Kunngerð um broyting í kunngerð um útbúgving av fólkaskúlalærarum
(Tøkniligar og málsligar rættingar)
§ 1
Í kunngerð nr. 101 frá 17. juni 2021 um útbúgving av fólkaskúlalærarum verða gjørdar hesar broytingar:
1. Í § 4, stk. 2 verður áðrenn nr. 1 sum nýtt nr. sett:
“1) Námsfrøðiligar lærugreinar, t.e. undirvísing og læring.”
Nr. 1-4 verða eftir hetta nr. 2-5.
2. § 5, stk. 1 verður orðað soleiðis:
“Linjulestur verður lisin í lærugreinum fólkaskúlans. Dekanurin hevur heimild at bjóða út aðrar linjugreinar, umframt linjugreinar, ið eru samansettar av fleiri lærugreinum fólkaskúlans.”
3. Í § 13, stk. 2, nr. 5 verður “umboðið” broytt til: “umboði”.
§ 2
Henda kunngerð kemur í gildi dagin eftir, at hon er kunngjørd.
Uttanríkis- og mentamálaráðið, 25. juni 2021
Jenis av Rana (sign.)
landsstýrismaður
/ Poul Geert Hansen (sign.)
