Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
8. desember 2014Nr. 108
Kunngerð um broyting í kunngerð um yvirvøku og tálming av lúsum á alifiski
§ 1
Í kunngerð nr. 163 frá 21. desember 2009 um yvirvøku og tálming av lúsum á alifiski, sum broytt við kunngerð nr. 29 frá 18. apríl 2011, verða gjørdar hesar broytingar:
1. Í § 5, stk. 10 verður “geva undantaksloyvi til viðgerð” broytt til: “gera frávik frá kravi um viðgerð”.
2. § 6, stk. 1, síðsta pkt. verður orðað soleiðis:
“Um viðgerðin er ófullfíggjað í mun til tað, sum væntast kann fyri viðgerðarevnið, ið nýtt verður, skal orsøkin greinast.”
3. Aftaná § 6 verður sett:
“§ 6 a. Hevur eitt alibrúk ofta lúsateljingar, sum fara upp um markvirðið, nógvar lúsaviðgerðir í mun til alibrúk í Føroyum annars ella ófullfíggjaðar viðgerðir, kann landsdjóralæknin avgera, at talið av smoltum ikki skal vera hækkað í mun til seinastu útseting, ella avgera, at talið av útsettum smoltum skal vera lækkað.”
§ 2
Henda kunngerð kemur í gildi dagin eftir, at hon er kunngjørd
Vinnumálaráðið, 8. desember 2014
Johan Dahl (sign.)
landsstýrismaður
/ Bjørgfríð Ludvig (sign.)
