Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
6. oktober 1986Nr. 109
Kunngerð um tolling av ymiskum akførum
Við heimild í løgtingslóg nr. 23 frá 11. februar 1950 við seinni broytingum um innflutningsgjøld o.m. hevur landsstýrið fyrisett:
§ 1. Fyri at motorakfar kann koma undir toll eftir lbnr. 27.01: Knallertir (prutl) í løgtingslóg nr. 23 frá 11. februar 1950 við seinni broytingum um innflutningsgjøld o.m. krevst, at akfarið er tví- ella tríhjólað við hjálpimotori við slagvolumen ikki omanfyri 50 cc og gongur ikki skjótari enn 30 km/t eftir sløttum og hevur føroyska ella danska typugóðkenning. Hesi eyðkenni skulu týðiliga lesast av faktura.
§ 2. Verða treytirnar í § 1 ikki gjølliga hildnar ella broytingar gjørdar í tilgerðini aftan á innflutningin, kemur akfarið undir skrásetingargjald sum motorsúkkla, smb. lóg nr. 102 frá 1. oktober 1986, § 10.
§ 3. Henda kunngerð kemur í gildi beinanvegin. Samstundis fer úr gildi § 1, nr. 3. í kunngerð nr. 8 frá 16. februar 1973 um tolling av ymiskum motorakførum.
