Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
9. oktober 2015Nr. 112
Kunngerð um skjøl og upplýsingar, sum skjalprógva upprunavirðið á innfluttum, brúktum motorakfari
Við heimild í § 22, stk. 5 í løgtingslóg nr. 33 frá 19. mai 2008 um avgjøld við skráseting av motorakførum, sum broytt við løgtingslóg nr. 57 frá 18. mai 2015, verður ásett:
§ 1. Bilasøla, innflytari ella eigari hevur skyldu at útvega Akstovuni skjalprógv fyri upprunavirðinum á motorakfarinum upp á skrokknummar við upprunaligum faktura ella líknandi váttan frá framleiðara.
§ 2. Kann bilasøla, innflytari ella eigari ikki útvega Akstovuni upprunavirðið frá framleiðara, skal upprunavirðið ístaðin gerast upp, grundað á listaprís uttan avgjøld, við allari eykaútgerð frá einum av framleiðaranum góðkendum umboði.
§ 3. Góðkend umboð sambært § 2 eru søluumboð, sum hava sáttmála við framleiðaran ella høvuðsumboð av viðkomandi merki, ella góðkendur serviceverkstaður, sum hevur garantiskyldur og serviceskyldur fyri viðkomandi merki mótvegis framleiðaranum ella einum av framleiðaranum góðkendum høvuðsumboði.
§ 4. Henda kunngerð kemur í gildi dagin eftir, at hon er kunngjørd.
Fíggjarmálaráðið, 9. oktober 2015
Kristina Háfoss (sign.)
landsstýriskvinna
/ Bjarni Askham Bjarnason (sign.)