Kunngerð nr. 113 frá 5. september 2011 um gjøld fyri umsiting og eftirlit sambært lógini um umhvørvisvernd v.m.

5. september 2011Nr. 113

Kunngerð um gjøld fyri umsiting og eftirlit sambært lógini um umhvørvisvernd v.m.

Við heimild í § 35 a í løgtingslóg nr. 134 frá 29. oktober 1988 um umhvørvisvernd, sum seinast broytt við løgtingslóg nr. 128 frá 22. desember 2008, § 36, stk. 1 í løgtingslóg nr. 59 frá 17. mai 2005 um verju av havumhvørvinum og § 3, stk. 8 í løgtingslóg nr. 73 frá 10. mai 1994 um íløt til øl, mineralvatn og lidnar leskidrykkir, sum seinast broytt við løgtingslóg nr. 47 frá 15. mai 2007, verður ásett:

§ 1. Almennar og privatar fyritøkur, herundir kommunur, skulu endurrinda útreiðslur, sum Umhvørvisstovan hevur í sambandi við viðgerð av málum um loyvi og góðkenning v.m., og av eftirlitinum við, at ásetingarnar í hesum lógum verða hildnar, herundir treytir ásettar í loyvum og góðkenningum.

Stk. 2. Almennar og privatar fyritøkur, herundir kommunur, skulu endurrinda tær útreiðslur, ið Umhvørvisstovan hevur í tí einstaka málinum, herundir brúk av uttanhýsis ráðgevum, starvsstovukanningum, brúk av tænastum frá øðrum myndugleikum, tænastuferðum uttanlands o.t.

§ 2. Gjaldið, ið skal rindast Umhvørvisstovuni eftir § 1, stk. 1, verður roknað við støði í tímanýtslu og tímakostnaði ella sum eitt fast ásett gjald fyri viðgerð av ávísum umsóknum um loyvi og góðkenning, sum ásett í fylgiskjali til hesa kunngerð.

Stk. 2. Útreiðslur, sum Umhvørvisstovan hevur eftir § 1, stk. 2, skulu endurrindast eftir rokning.

§ 3. Umhvørvisstovan fyriskipar uppkrevjingina av gjøldunum.

Stk. 2. Í uppkravinum skal útgreinast, hvussu komið er fram til upphæddina.

Stk. 3. Gjøldini skulu rindast í seinasta lagi tann 25. í mánaðinum eftir, at tey eru uppkravd.

Stk. 4. Verða gjøld eftir § 1 ikki goldin, kunnu hesi krevjast inn við panting, sambært ásetingunum um hetta í skattalógini.

Stk. 5. Tey í fylgiskjalinum ásettu gjøld verða árliga javnað við 3 % og rundað til nærmasta heila krónutal. Landsstýrismaðurin ásetur við kunngerð javnaðu gjøldini í seinasta lagi 1. januar á hvørjum ári.

§ 4. Henda kunngerð kemur í gildi dagin eftir, at hon er kunngjørd, og samstundis verður kunngerð nr. 31 frá 8. mars 2001 um gjøld eftir havumhvørvisverndarlógini, sum broytt við kunngerð nr. 90 frá 28. september 2007, sett úr gildi.

Innlendismálaráðið, 5. september 2011

John Johannessen (sign.)

landsstýrismaður

/ Rúni Joensen (sign.)

Fylgiskjal

A. Gjøld, roknað við støði í tímanýtslu og tímakostnaði

B. Eftirlitsgjøld fyri svimjihylar

4.000 krónur fyri hvørja høll, umframt 1.000 krónur fyri hvønn hyl ella bað.