Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
24. oktober 2005Nr. 116
Kunngerð um broyting í kunngerð um námsfrøðiliga útbúgving
§ 1
Í kunngerð nr. 13 frá 24. januar 1990 um námsfrøðiliga útbúgving verður gjørd henda broyting:
§ 17 verður orðað soleiðis:
“§ 17. Við dømingina verða givin próvtøl eftir 13 stiganum, Staðið/ Ikki staðið ella Góðkent/Ikki góðkent, sbr. Kunngerð um próvtalsstiga og aðra døming.
Stk. 2. Tá ið mett verður um starvslæruna og serlestraruppgávuna, verða bara støðismetini Staðið/ Ikki staðið ella Góðkent/ Ikki góðkent nýtt.
Stk. 3. Tann lesandi kann bert fara upp til endaligu royndina eftir at hava staðið allar aðrar kravdar royndir í útbúgvingini. Ein roynd er staðin, tá próvtøkuúrslitið er Staðið, Góðkent ella próvtalið er 6 ella meira.”
§ 2
Henda kunngerð kemur í gildi dagin eftir, at hon er kunngjørd.
Mentamálaráðið, 24. oktober 2005
Jógvan á Lakjuni (sign.)
landsstýrismaður
/ Petur Petersen (sign.)
