Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
12. september 2011Nr. 117
Kunngerð um gjald fyri málsliga tulkatænastu í sambandi við læknahjálp
Við heimild í § 4, stk. 3 í løgtingslóg nr. 178 frá 22. desember 2009 um almenna heilsutrygd verður ásett:
§ 1. Persónar, sum fáa læknahjálp sbrt. heilsutrygdarlógini og í hesum sambandi hava tørv á tulki, hava rætt til tulking, tá lækni metir tað neyðugt fyri tænastuna.
§ 2. Heilsutrygd ber útreiðslurnar av tulkatænastu sbrt. § 1.
§ 3. Tulkur, ið veitir tænastuna sbrt. hesi kunngerð, fyllir út rokning, ið Heilsutrygd hevur myndað. Læknin skal vátta rokningina, sum skal sendast til Heilsutrygd.
§ 4. Tímatakstur fyri tulking er samsvarandi tímatakstinum hjá vikari, sum er lærari í skúla, sambært galdandi lønarsáttmála millum Føroya Lærarafelag og Fíggjarmálaráðið.
§ 5. Henda kunngerð kemur í gildi dagin eftir, at hon er kunngjørd.
Heilsumálaráðið, 12. september 2011
John Johannessen (sign.)
landsstýrismaður
/ Jan Simonsen (sign.)
