Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
23. oktiber 1996Nr. 120
Kunngerð um tænastugjøld uttanfyri avgreiðslutíð
Við heimild í § 23, stk. 1 í løgtingslóg nr. 121 frá 23. desember 1991 um toll verður ásett:
§ 1. Fyri avgreiðslur av skipum millum kl. 16:30 - 08:00 mánadag til fríggjadag og leygardag og sunnu- og halgidagar er avgreiðslugjaldið kr. 197,00 um tíman fyri hvørt tolleftirlitsfólkið. Minsta gjald er fyri 2 tímar til hvønn.
Stk. 2. Skip, sum kemur til aðra havn enn tær jbr. § 6, stk. 2 í kunngerðini um tolleftirlit nevndu havnir, skulu umframt avgreiðslugjald jbr. § 1, stk. 1, rinda tíma- og dagpening og koyripening eftir regluni um hesi.
Stk. 3. Skip, sum ikki kemur at bryggju, skal bera kostnaðin av teimum útreiðslum, sum eru í samband við avgreiðsluna.
§ 2. Fyri avgreiðslur av flogførum millum kl. 18:00 - 08:00 mánadag til leygardag og sunnu- og halgidagar, er avgreiðslugjaldið kr. 197,00 um tíman fyri hvørt tolleftirlitsfólkið. Minsta gjald er fyri 2 tímar til hvønn.
§ 3. Fyri aðrar avgreiðslur millum kl. 16:30 - 08:00 mánadag til fríggjadag og leygardag og sunnu- og halgidagar, er avgreiðslugjaldið kr. 197,00 um tíman fyri hvørja avgreiðslu. Minsta gjald er fyri 2 tímar.
§ 4. Er neyðugt at seta tollvakt við skip ella flogfør, skal skipið ella flogfarið rinda kostnaðin av hesum. Gjaldið er kr. 197,00 um tíman. Minsta gjald er fyri 2 tímar.
§ 5. Henda kunngerð kemur í gildi dagin eftir, at hon er kunngjørd. Samstundis fer úr gildi § 47 í kunngerð nr. 44 frá 18. september 1958 við seinni broytingum um uppkrevjing av gjøldum v.m. eftir løgtingslóg nr. 23 frá 11. februar 1950 við seinni broytingum.
