Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Fiskimálaráðið
  • Útgávudagur: 28-09-2018
Tilvísingar
Kunngerðablaðið
  • Kunngerðarblað 2018 A - Kunngerð 128 frá 24. september 2018
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

24. september 2018Nr. 128

Kunngerð um broyting í kunngerð um veiðu eftir botnfiski o.ø. við fiskiførum undir føroyskum flaggi í NAFO skipanarøkinum í 2018

(Hækking av kvotu og nýggj felags árskvota)

§ 1

Í kunngerð nr. 187 frá 29. desember 2017 um veiðu eftir botnfiski o.ø. við fiskiførum undir føroyskum flaggi í NAFO skipanarøkinum í 2018, sum broytt við kunngerð nr. 2 frá 10. januar 2018, verða gjørdar hesar broytingar:

 

1.    Í § 3 verður sum stk. 2 sett:

Stk. 2. Umframt kvotuna í stk. 1 kunnu fiskifør undir føroyskum flaggi fiska 450 tons av toski, sum Føroyar hava sambært býtisavtalu við ES, í NAFO deildarøki 3M, Flemish Cap.”

 

2.    § 5 verður orðað soleiðis:

§ 5. Fiskiloyvi, sambært § 4, stk. 1 til fiskiskap eftir toski á Flemish Cap eftir kvotu sambært § 3, stk. 1, verður latið persóni ella felagi, sum í 2018 hevði rætt til fiskiloyvi í bólki 3, sambært § 74, stk. 1, nr. 2 í løgtingslógini. Veiðast skal við línu.

Stk. 2. Fiskiskapurin eftir heildarkvotuni, sambært § 3, stk. 1, verður skipaður við felags árskvotu.

Stk. 3. Fiskiloyvi, sambært § 4, stk. 1 til fiskiskap eftir toski á Flemish Cap eftir kvotu sambært § 3, stk. 2, verður latið persóni ella felagi, sum 31. desember 2017 hevði veiðiloyvi til veiðu eftir pelagiskum fiski í altjóða sjógvi í Suðurkyrrahavinum.

Stk. 4. Fiskiskapurin eftir heildarkvotuni, sambært § 3, stk. 2, verður skipaður við felags árskvotu.

Stk. 5. Fiskiskapurin eftir toski á Flemish Cap kann ikki byrja fyrr enn 7. januar 2018.

Stk. 6. Fiskiloyvi til kvotu sambært § 3, stk. 1 og 2 er samstundis ein góðkenning at reka fiskiveiðu í 2018 eftir ásetingunum í § 5, stk. 1 í løgtingslógini.”

§ 2

Henda kunngerð kemur í gildi dagin eftir, at hon er kunngjørd.

 

 

Fiskimálaráðið, 24. september 2018

 

Høgni Hoydal (sign.)

landsstýrismaður

/ Rógvi Reinert (sign.)