21. september 2022Nr. 132
Kunngerð um broyting í kunngerð um ókeypis koppseting ímóti COVID-19
(Víðkan av heimild til Heilsutrygd at skipa fyri COVID-19 koppsetingum)
§ 1
Í kunngerð nr. 183 frá 18. desember 2020 um ókeypis koppseting ímóti COVID-19, sum seinast brottt við kunngerð nr. 112 frá 19. juli 2022, verða § 3, stk. 1 og 2 orðað soleiðis:
“Sjúkrahúsverkið og Heilsutrygd hava ábyrgdina av og skipa COVID-19 koppsetingina.
Stk. 2. Koppsetingarnar innan Sjúkrahúsverkið fara fram á Landssjúkrahúsinum, Klaksvíkar Sjúkrahúsi, Suðuroyar Sjúkrahúsi. Sjúkrahúsverkið kann harumframt skipa koppsetingarnar á øðrum stað. Koppsetingarnar innan Heilsutrygd fara fram í kommunulækna viðtalum. Heilsutrygd kann harumframt skipa koppsetingarnar á øðrum stað.”
§ 2
Henda kunngerð kemur í gildi dagin eftir, at hon er kunngjørd.
Heilsumálaráðið, 21. september 2022
Kaj Leo Holm Johannesen (sign.)
landsstýrismaður
/ Turid Arge (sign.)