Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
3. november 2009Nr. 136
Kunngerð um ALS-gjald, sum broytt við kunngerð nr. 165 frá 20. desember 2011
Við heimild í § 9, stk. 2 og 4 og § 11 í løgtingslóg nr. 113 frá 13. juni 1997 um arbeiðsloysistrygging og arbeiðsávísing, sum seinast broytt við løgtingslóg nr. 75 frá 25. mai 2009, verður ásett:
§ 1. 1) Tað í § 9, stk. 1 í løgtingslóg um arbeiðsloysistrygging og arbeiðsávísing nevnda ALS-gjald er 1,25%.
§ 2. Undir aðrar skattskyldugar almannaveitingar sambært § 8, nr. 2 í løgtingslóg um arbeiðsloysistrygging og arbeiðsávísing, koma m.a. avlamisveiting og barnapeningur.
Stk. 2. Inntøkur sambært § 8, nr. 2 og 3 í løgtingslóg um arbeiðsloysistrygging og arbeiðsávísing, sleppa undan gjaldsskyldu frá tí degi, Arbeiðsloysisskipanin hevur fingið skrivliga fráboðan um hesar.
§ 3. Áðrenn inntøka, sum ALS-gjald skal roknast av, sambært § 8 í løgtingslóg um arbeiðsloysistrygging og arbeiðsávísing, verður útgoldin persóni, sum er gjaldsskyldugur sambært § 7, nr. 1 í nevndu lóg, skal ALS-gjaldið avroknast gjøgnum eitt av landsstýrinum góðkendum stað til avrokning av lønum. Avrokningarstaðið avroknar ALS-gjaldið til Arbeiðsloysisskipanina.
Stk. 2. Tá A-inntøka verður rindað av gjaldsskyldugum sambært § 7, nr. 2 í løgtingslóg um arbeiðsloysistrygging og arbeiðsávísing, skulu hesi avrokna sín part av ALS-gjaldinum til Arbeiðsloysisskipanina sambært øðrum av fylgjandi inngjaldingarháttum:
1) Við at geva Arbeiðsloysisskipanini fulltrú til at taka ALS-gjaldið av peningastovnskonto hjá viðkomandi.
2) Við at rinda ALS-gjaldið eftir rokning frá Arbeiðsloysisskipanini. Rokning fyri ALS-gjald frá Arbeiðsloysisskipanini skal gjaldast innan 7 dagar eftir, at Arbeiðsloysisskipanin hevur sent rokningina.
Stk. 3. Teir arbeiðsgevarar, sum velja at rinda eftir rokning sambært stk. 2, nr. 2, skulu rinda eitt avgreiðslugjald á kr. 100 fyri hvørja rokning.
§ 4. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð frá stýrinum fyri ALS um gjald til Arbeiðsloysisskipanina, dagfest 26. november 1999, og kunngerð frá stýrinum fyri ALS um broyting av ALS-gjaldinum, dagfest 17. juni 2004.
Vinnumálaráðið, tann 3. november 2009
Johan Dahl (sign.)
landsstýrismaður
/ Arne Poulsen (sign.)
1) Broytt við kunngerð nr. 165 frá 20. desember 2011, har § 2 ljóðar soleiðis: ”Hendan kunngerð fær gildi 1. januar 2012.”
