Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
15. oktober 2025Nr. 157
Kunngerð um broyting í kunngerð um lestrarstuðul
(Útbúgving sum dekkari verður løgd afturat nevndu útbúgvingum o.a.)
§ 1
Í kunngerð nr. 107 frá 25. august 2011 um lestrarstuðul, sum broytt við kunngerð nr. 97 frá 2. juli 2013, kunngerð nr. 91 frá 29. august 2014, kunngerð nr. 83 frá 16. august 2016, kunngerð nr. 121 frá 18. august 2017, kunngerð nr. 146 frá 19. november 2018, kunngerð nr. 107 frá 16. juli 2019, kunngerð nr. 116 frá 9. juli 2020 og kunngerð nr. 140 frá 20. oktober 2021, verða gjørdar hesar broytingar:
1. Inngangurin verður orðaður soleiðis:
“Við heimild í § 2, stk. 3, § 4, stk. 3, § 5, stk. 2, § 7, stk. 5, § 8 a, stk. 3, § 9, stk. 2, § 12, stk. 5, § 16, § 20, stk. 5 og § 22, stk. 4 í løgtingslóg nr. 36 frá 3. mai 2007 um lestrarstuðul, sum broytt við løgtingslóg nr. 76 frá 25. mai 2009, løgtingslóg nr. 135 frá 28. desember 2010 og løgtingslóg nr. 102 frá 3. november 2016, verður ásett:”
2. § 1, stk. 2 verður orðað soleiðis:
“Stk. 2. Stuðulsheimilaðar styttri vinnuførleikagevandi útbúgvingar eru:
1) Heilsuhjálpari.
2) Heilsurøktari.
3) Námsfrøðiligur hjálpari.
4) Maskinistur.
5) Dekkari.
6) Skipsatstøðari.”
§ 2
Henda kunngerð kemur í gildi dagin eftir, at hon er kunngjørd.
Barna- og útbúgvingarmálaráðið, 15. oktober 2025
Djóni Nolsøe Joensen (sign.)
landsstýrismaður
/ Poul Geert Hansen (sign.)
