Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
30. januar 2024Nr. 2
Kunngerð um broyting í kunngerð um tíðaravmarkað veiðibann á gýtingarleiðum
(Leingjan av veiðibanni og aðrar tekniskar broytingar)
§ 1
Í kunngerð nr. 45 frá 6. apríl 2022 um tíðaravmarkað veiðibann á gýtingarleiðum verða gjørdar hesar broytingar:
1. Inngangurin verður orðaður soleiðis:
“Við heimild í § 25, stk. 4, § 34, stk. 1, nr. 1 og § 64, stk. 2 í løgtingslóg nr. 152 frá 23. desember 2019 um sjófeingi (Sjófeingislógin), sum broytt við løgtingslóg nr. 106 frá 29. juni 2020, løgtingslóg nr. 185 frá 18. desember 2020, løgtingslóg nr. 170 frá 21. desember 2021 og løgtingslóg nr. 155 frá 20. desember 2023, verður ásett:”
2. § 2, nr. 1 verður orðað soleiðis:
“1) Í tíðarskeiðinum frá 1. februar til 1. mai er ikki loyvt at veiða við nøkrum veiðihátti innan fyri linjur drignar millum hesi støð og í hesi raðfylgju:
a) 61°40,000 N - 008°25,000 V
b) 61°54,000 N - 008°40,000 V
c) 61°54,000 N - 007°25,500 V
d) 61°58,000 N - 007°15,000 V
e) 61°53,000 N - 007°04,000 V
f) 61°45,000 N - 007°04,000 V
g) 61°40,000 N - 007°16,000 V
h) 61°40,000 N - 008°25,000 V”
3. Í § 2 verður sum stk. 2 sett:
“Stk. 2. Undantikin veiðibanninum í § 2, stk. 1, nr. 1 er veiða við snellu og veiða við gørnum eftir havtasku. Undantikin er eisini veiða við fiskiførum við maskinorku undir 500 HK í tí partinum av økinum, ið umskarast við økið R sambært § 3, stk. 18 í kunngerð um at friða ávísar leiðir í føroyskum sjógvi fyri veiðu við troli og øðrum reiðskapi.”
4. Í § 2, nr. 2, 5 og 6 verður “15. februar til 15. apríl, báðir dagar íroknaðir,” broytt til: “1. februar til 1. mai”.
5. Í § 2, nr. 3 verður “1. apríl, báðir dagar íroknaðir,” broytt til: “1. mai”.
6. Í § 2, nr. 4 og 7 verður “, báðir dagar íroknaðir,” strikað.
7. Í § 2, nr. 8 verður “1. mars til 1. mai, báðir dagar íroknaðir,” broytt til: “15. februar til 15. mai”.
§ 2
Henda kunngerð kemur í gildi 1. februar 2024.
Fiskivinnu- og samferðslumálaráðið, 30. januar 2024
Dennis Holm (sign.)
landsstýrismaður
/ Elin Mortensen (sign.)
