Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
16. mars 1984Nr. 21
Kunngerð um bann móti laksaveiðu uttanfyri landleiðina
Við heimild í § 2 í løgtingslóg nr. 55 frá 22. september 1978 um regulering av føroyskum fiskiskapi uttanfyri landleiðina og eftir samráð við marknaðarnevnd løgtingsins, hevur landsstýrið fyrisett:
§ 1. Tað er bannað skipum, sum hava heimstað og eru skrásett í Føroyum, at reka vinnuliga laksaveiðu uttanfyri landleið Føroya í Norðuratlantshavinum norðanfyri 36° N.
§ 2. Brot móti ásetanini í § 1 koma undir bót og heraftrat kann allur fiskireiðskapur, so sum net, lemmar, wirar, línur, uppstandarar v.m. og fongur koma undir konfiskatión. Skipið kann eisini heftast til rindingar av bót og kostnað.
2. stk. Um brotið er komi undir straff ella konfiskatión í fremmandum landi ella hinum partinum av kongaríkinum, verður hesum givið gætur í útmetingini av bótini, soleiðis at bótin í givnum føri fellur burtur, og eisini í spurninginum um konfiskatión.
§ 3. Henda kunngerð kemur í gildi beinan vegin.
