16. mars 2018Nr. 22
Kunngerð um broyting í kunngerð um barsilspening til sjálvstøðugt vinnurekandi
(Leingja umsóknarfreistina)
§ 1
Í kunngerð nr. 90 frá 31. mai 2001 um barsilspening til sjálvstøðugt vinnurekandi verða gjørdar hesar broytingar:
1. Í § 4, stk. 1, 1. pkt. verður “6 mánaðir” broytt til: “1 ár”.
2. Í § 4, stk. 3, nr. 8 verður “, umframt váttan um, at móðirin ikki í tíðarskeiðinum, faðirin søkir um barsilspening, samstundis er frá arbeiði við løn ella hevur søkt um barsilspening frá Barsilsskipanini fyri hetta tíðarskeið” strikað.
3. Í § 9 verður “ella hefti” strikað.
§ 2
Henda kunngerð kemur í gildi dagin eftir, at hon er kunngjørd.
Samferðslumálaráðið, 16. mars 2018
Henrik Old (sign.)
landsstýrismaður
/ Rúni Joensen (sign.)