28. desember 2020Nr. 225
Kunngerð um veitingar til persónar, ið eru staddir uttanlands
Við heimild í § 6, stk. 1 í løgtingslóg nr. 72 frá 25. mai 2020 um almannatrygd og tænastur verður ásett:
§ 1. Persónur, sum er staddur uttanlands, hevur rætt til veitingar sbrt. løgtingslógini, tá:
1) persónurin er uttanlands í sambandi við samveru við síni børn,
2) persónurin er uttanlands í sjúkraørindum,
3) persónurin vitjar avvarðandi uttanlands, ið eru álvarsliga sjúk,
4) persónurin av heilsumyndugleikanum er sendur sum fylgjari hjá persóni, ið er uttanlands í sjúkraørindum, ella
5) persónurin av øðrum serligum orsakum er staddur uttanlands.
Stk. 2. Rætturin eftir stk. 1 er treytaður av, at persónurin lýkur treytirnar sbrt. løgtingslógini.
§ 2. Henda kunngerð kemur í gildi 1. januar 2021.
Almannamálaráðið, 28. desember 2020
Elsebeth Mercedis Gunnleygsdóttur (sign.)
landsstýrismaður
/ Eyðun Mohr Hansen (sign.)