Kunngerð nr. 228 frá 30. desember 2025 um at skipa fiskiskapin hjá skipum undir russiskum flaggi í føroyskum sjógvi í 2026

30. desember 2025Nr. 228

Kunngerð um at skipa fiskiskapin hjá skipum undir russiskum flaggi í føroyskum sjógvi í 2026

• Kapittul 1 Virkisøki
• Kapittul 2 Veiða eftir svartkjafti
• Kapittul 3 Veiða eftir makreli og norðhavssild
• Kapittul 4 Royndarveiða eftir djúphavsfiski
• Kapittul 5 Ymiskar ásetingar
• Kapittul 6 Revsireglur og gildiskoma

Við heimild í § 25, stk. 4, § 26, stk. 2, § 34, stk. 1, nr. 1-4 og 6, stk. 2, nr. 2, 4 og 6-9 og stk. 3 og § 64, stk. 2 í løgtingslóg nr. 152 frá 23. desember 2019 um sjófeingi (Sjófeingislógin), sum broytt við løgtingslóg nr. 106 frá 29. juni 2020, løgtingslóg nr. 185 frá 18. desember 2020, løgtingslóg nr. 170 frá 21. desember 2021 og løgtingslóg nr. 155 frá 20. desember 2023, verður ásett:

Kapittul 1

Virkisøki

§ 1. Kunngerðin fevnir um beinleiðis fiskiskap eftir svartkjafti, makreli og norðhavssild í føroyskum sjógvi, umframt royndarveiðu á djúpum vatni, við skipum undir russiskum flaggi samsvarandi sínámillum fiskiveiðiavtalu millum Føroyar og Russland fyri 2026.

Stk. 2. Fiskiskapur sambært hesi kunngerð er ikki loyvdur í serøkinum millum Føroyar og Stórabretland, sum ásett í § 1, stk. 4 í anordning om fiskeriterritoriet ved Færøerne.

Kapittul 2

Veiða eftir svartkjafti

§ 2. Loyvt er skipum undir russiskum flaggi at fiska 65.000 tons av svartkjafti, Micromesistius poutassou, í føroyskum sjógvi í 2026. Kvotan kann eisini fiskast í altjóða sjógvi í NEAFC-skipanarøkinum.

§ 3. Umframt kvotuna sambært § 2 hava skip undir russiskum flaggi í 2026 atgongd til føroyskan sjógv at veiða í mesta lagi 30.953 tons av russisku svartkjaftakvotuni í altjóða sjógvi í NEAFC-skipanarøkinum í 2026.

Fiskileiðir

§ 4. Loyvt er ikki at royna eftir svartkjafti við troli á teimum leiðum nevndar í stk. 2 og 3.

Stk. 2. Á landgrunninum innan fyri linjur drignar millum hesi støð og í hesi raðfylgju:

1)   62°50'00"N, 07°11'00"V

2)   62°53'00"N, 06°40'00"V

3)   62°50'00"N, 06°10'00"V

4)   62°43'00"N, 05°38'00"V

5)   62°32'00"N, 05°02'00"V

6)   62°25'00"N, 04°15'00"V

7)   62°19'00"N, 04°00'00"V

8)   62°01'00"N, 04°00'00"V

9)   61°17'00"N, 04°56'00"V

10) 60°26'00"N, 06°10'00"V

11) 60°26'00"N, 06°32'00"V

12) 60°35'00"N, 06°35'00"V

13) 61°23'00"N, 07°30'00"V

14) 61°25'25"N, 08°01'00"V

15) 61°32'48"N, 08°20'30"V

16) 61°49'00"N, 08°41'50"V

17) 62°00'00"N, 10°00'00"V

18) 62°40'00"N, 10°00'00"V

19) 62°40'00"N, 08°00'00"V

20) 62°50'00"N, 07°11'00"V

Stk. 3. Á Føroyabanka innan fyri linjur drignar millum hesi støð og í hesi raðfylgju:

1)   60°50'00"N, 07°57'00"V

2)   61°03'00"N, 07°57'00"V

3)   61°15'30"N, 08°16'00"V

4)   61°13'20"N, 08°42'12"V

5)   61°00'00"N, 09°11'00"V

6)   60°48'40"N, 09°25'00"V

7)   60°24'00"N, 09°07'00"V

8)   60°50'00"N, 07°57'00"V

Reiðskapur

§ 5. Tá svartkjaftur verður veiddur við uppsjóvartroli, skulu meskarnir í trolinum ikki vera minni enn 35 mm.

§ 6. Trolið skal hava innsetta skiljirist, tá roynt verður eftir svartkjafti á leiðunum norðan fyri 60°20'00''N og sunnan fyri eina linju drigna í ein beinan eystan úr punktinum 63°00'00''N, 06°00'00''V og út á fiskimarkið, og 315° rættvísandi úr punktinum 63°00'00''N, 06°00'00''V og út á fiskimarkið.

Stk. 2. Ristseksjónin skal setast inn framman fyri posan. Ristin skal hava rimar við í mesta lagi 55 mm millum hvørja. Hallið á ristini skal vera 45°-60°. Op skal vera í netinum undir ristini. Opið skal vera breiddin á ristini og skal vera frítt soleiðis, at hjáveiða ótarnað sleppur út. Skjal 1 vísir skitsu av rist og ristseksjón.

Kapittul 3

Veiða eftir makreli og norðhavssild

§ 7. Loyvt er skipum undir russiskum flaggi at fiska 4.201 tons av makreli, Scomber scrombrus, í føroyskum sjógvi í 2026.

Stk. 2. Loyvt er skipum undir russiskum flaggi at fiska 7.414 tons av norðhavssild í føroyskum sjógvi í 2026.

Stk. 3. Kvotan sambært stk. 1 og 2 kann eisini fiskast í altjóða sjógvi í NEAFC-skipanarøkinum.

Reiðskapur

§ 8. Tá makrelur og norðhavssild verða veidd við uppsjóvartroli, skulu meskarnir í trolinum ikki vera minni enn 35 mm.

Fiskileiðir

§ 9. Fiskiskapur eftir makreli, sambært § 7, stk. 1, kann bert fara fram uttan fyri linjur drignar 12 fjórðingar úr grundlinjunum.

Stk. 2. Fiskiskapur eftir norðhavssild, sambært § 7, stk. 2, kann bert fara fram uttan fyri linjur drignar 12 fjórðingar úr grundlinjunum norðan fyri 62°30N.

§ 10. Fiskifør, sum fiska sambært hesi kunngerð, skulu halda seg til ásetingarnar um friðað øki, ásettar í kunngerð um at friða ávísar leiðir í føroyskum sjógvi fyri veiðu við troli og øðrum reiðskapi og í kunngerð um tíðaravmarkað veiðibann á gýtingarleiðum.

§ 11. Kemur skip inn í øki, har tað ikki hevur loyvi at fiska, skal allur fiskireiðskapur vera burturstúgvaður á sínum natúrliga staði og trolwirar úrsjeklaðir.

Ymiskar ásetingar um útgerð umborð fyri skip, sum veiða makrel

§ 12. Gloppið millum rimarnar í pumpukassanum kann í mesta lagi vera 10 mm. Rimarnar skulu vera sveisaðar fastar. Um pumpukassin hevur hol í staðin fyri rimar, skal tvørmátið á holunum ikki fara upp um 10 mm. Hol í sliskuni, áðrenn pumpukassan, skulu ikki vera meiri enn 15 mm í tvørmát.

§ 13. Skip skulu ikki vera innrættað soleiðis, at møguligt er at tøma fisk úr tangunum yvir borð undir vatnlinjuni.

§ 14. Vørn kann krevja at fáa tekningar frá skipum, sum vísa, hvussu fongurin verður hagreiddur umborð og um tømingarmøguleikar. Skip skulu til einhvørja tíð hava avrit av hesum tekningum.

§ 15. Fiskifør, sum ikki frysta veiðuna umborð, hava ikki loyvi at hava ella brúka sjálvvirkandi støddarskiljarar umborð. Um veiðan verður fryst ella virkað umborð, skal hetta gerast beint eftir støddarskiljing.

Kapittul 4

Royndarveiða eftir djúphavsfiski

§ 16. Loyvt er 5 skipum undir russiskum flaggi at royndarfiska eftir djúphavsfiski á leiðum, har dýpið er meira enn 700 metrar. Treyt er, at ein vísindaligur eygleiðari er umborð. Í mesta lagi 3 skip kunnu vera til fiskiskap samstundis.

Stk. 2. Loyvt er tveimum av teimum í stk. 1 nevndu skipum at royndarfiska í føroyskum sjógvi á leiðunum við Ytstabanka og Ytrabanka á dýpi millum 500-700 metrar. Mest loyvda veiðan er 500 tons av djúphavsfiski.

Kapittul 5

Ymiskar ásetingar

Loyvi

§ 17. Fiskifør undir russiskum flaggi kunnu bert byrja fiskiskap á føroysku landleiðunum, um tey eru á lista yvir fiskifør, sum Russland hevur givið loyvi at fiska á føroysku landleiðunum sambært hesi kunngerð. Listin skal vera fráboðaður og góðkendur av føroyskum myndugleikum.

Tal av skipum

§ 18. Hesar avmarkingar eru um tal av skipum undir russiskum flaggi, sum samstundis kunnu fiska svartkjaft, norðhavssild og makrel:

1)   Í tíðarskeiðinum 1. januar til og við 31. mars: 20 skip.

2)   Í tíðarskeiðinum 1. apríl til og við 31. oktober: 29 skip.

3)   Í tíðarskeiðinum 1. november til og við 31. desember: 28 skip.

Stk. 2. Í tíðarskeiðinum 15. apríl til og við 31. mai kann Vørn, um ov trongt gerst á fiskileiðini, avmarka talið í stk. 1, nr. 2 niður til 16 skip á øki ásett av Vørn.

Hjáveiða í fiskiskapi eftir svartkjafti og makreli

§ 19. Í fiskiskapi eftir svartkjafti kann hjáveiðan av sild í mesta lagi vera 3% og hjáveiðan av ansjós, anchovy, í mesta lagi 10% av samlaðu veiðuni fyri hvørja landing. Hjáveiðan verður mótroknað kvotuni av svartkjafti sambært § 2.

§ 20. Í fiskiskapi eftir makreli kann hjáveiðan av sild í mesta lagi vera 49% av samlaðu veiðuni fyri hvørja landing.

§ 21. Samlaða hjáveiðan av sild í beinleiðis fiskiskapi eftir svartkjafti og makreli, sbr. §§ 19 og 20, skal ikki vera meira enn 300 tons.

Stk. 2. Samlaða veiðan av norðhavssild, sambært § 7, stk. 2 og § 21, stk. 1, kann í mesta lagi vera 7.714 tons.

§ 22. Í fiskiskapi eftir svartkjafti, makreli ella norðhavssild skal samlaða hjáveiðan av fiskasløgunum toskur, hýsa, upsi og kongafiskur, hvørki fyri hvørt hál ella fyri túrin, vera meir enn 2% av samlaðu veiðuni fyri túrin ella hálið.

Stk. 2. Skiparin hevur skyldu at boða Vørn frá, er íblandingin av fiskasløgunum toskur, hýsa, upsi og kongafiskur meir enn 2% av vektini í hvørjum háli ella kasti.

§ 23. Sambært § 59, stk. 1 í løgtingslógini kann Vørn áseta bráðfeingis veiðibann fyri ávísan fiskiskap á ávísum leiðum í føroyskum sjógvi, har hjáveiða er meira enn ásetta hámarkið. Bráðfeingis veiðibann kann lýsast fyri upp til 4 vikur hvørja ferð.

§ 24. Fiskifør, sum fiska sambært hesi kunngerð, skulu halda seg til ásetingarnar um ungfisk, ásettar í kunngerð um vernd av ungfiski og hámark fyri íblanding av ungfiski.

Umrokningarfaktorar

§ 25. Við umrokning av fiski og fiskavørum til runda vekt skulu hesir umrokningarfaktorar nýtast fyri makrel:

1)   Kruvdur, við høvdi: 1,15.

2)   Kruvdur, avhøvdaður: 1,30.

3)   Flak við skræðu og beinum: 2,60.

4)   Flak, uttan skræðu, við beinum: 2,60.

5)   Flak, uttan skræðu og bein: 2,60.

6)   Fiskamjøl: 5,22.

§ 26. Við umrokning av fiski og fiskavørum til runda vekt skulu hesir umrokningarfaktorar nýtast fyri svartkjaft:

1)   Kruvdur, við høvdi: 1,20.

2)   Kruvdur, avhøvdaður: 1,40.

3)   Flak við skræðu og beinum: 2,80.

4)   Flak, uttan skræðu, við beinum: 2,80.

5)   Flak, uttan skræðu og bein: 2,80.

6)   Fiskamjøl: 5,11.

§ 27. Við umrokning av fiski og fiskavørum til runda vekt skulu hesir umrokningarfaktorar nýtast fyri sild:

1)   Kruvd, við høvdi: 1,00.

2)   Kruvd, avhøvdað: 1,00.

3)   Flak við skræðu og beinum: 2,00.

4)   Flak, uttan skræðu, við beinum: 2,00.

5)   Flak uttan skræðu og bein: 2,00.

6)   Fiskamjøl: 5,11.

Undirmálsfiskur

§ 28. Veiðan av undirmálsmakreli skal ikki vera meir enn 10% av samlaðu vektini av veiðuni fyri túrin.

Stk. 2. Makrelur, ið er undir 30 cm, mátaður fremst úr høvdinum til aftast á stertinum, tá hann er strektur, er undirmálsmakrelur.

§ 29. Veiðan av undirmálssild skal ikki vera meir enn 10% av samlaðu vektini av veiðuni fyri túrin.

Stk. 2. Sild, ið er undir 22 cm, mátað fremst úr høvdinum til aftast á stertinum, tá hon er strekt, er undirmálssild.

Umskipingar

§ 30. Sambært § 26, stk. 1 í løgtingslógini er umskiping av veiðu ikki loyvd.

Stk. 2. Vørn kann tó loyva umskiping av veiði sambært hesi kunngerð við bryggju í føroyskari havn samsvarandi galdandi NEAFC-reglum hesum viðvíkjandi, og við teimum avmarkingum, sum eru í kunngerð um avmarkandi tiltøk í sambandi við atgerðir móti Ukraina.

Fráboðanarskyldur

§ 31. Fiskifør undir russiskum flaggi, sum sambært § 17 hava loyvi at fiska á føroysku landleiðunum, skulu senda fráboðan til Vørn, sum nærri ásett í skjali 2 til hesa kunngerð.

Stk. 2. Tá svartkjaftur verður fiskaður í føroyskum sjógvi, skal undir viðmerkingunum í dagligu veiðifráboðanini viðmerkjast, um talan er um kvotu sambært § 2 ella atgongd at fiska NEAFC-kvotu sambært § 3.

Stk. 3. Verður fiskað av kvotu av svartkjafti, makreli ella norðhavssild í altjóða sjógvi sambært § 2, stk. 1 og § 7, stk. 3, skal boðast frá til Vørn, sum nærri ásett í skjali 3 til hesa kunngerð.

Eygleiðari

§ 32. Vørn ger av, um eygleiðari skal vera umborð á fiskiførum, ið fiska sambært hesi kunngerð. Eygleiðarar hava loyvi at nýta samskiftisútgerðina umborð til tess at hava samband við Vørn og við aðrar myndugleikar.

Kapittul 6

Revsireglur og gildiskoma

Revsing

§ 33. Brot á § 1, stk. 2, §§ 4-6, 8 og 9, §§ 11-13, § 14, 2. pkt., § 15, § 22, stk. 2, §§ 25-27, § 28, stk. 1, § 29, stk. 1 og § 31 verða revsað við sekt, er ikki harðari revsing ásett eftir aðrari lóg. Á sama hátt verður tann revsaður, sum ikki fylgir boðum sambært § 14, 1. pkt. ella forðar Vørn í at útinna sínar uppgávur sambært § 32.

Stk. 2. Feløg og aðrir løgfrøðiligir persónar koma undir revsiábyrgd eftir reglunum í kapitli 5 í revsilógini.

Stk. 3. Sambært § 70 í løgtingslógini kann Vørn beinanvegin taka aftur rættin til at reka vinnuligan fiskiskap, um brot er framt sambært stk. 1. Rætturin at reka vinnuligan fiskiskap kann takast aftur upp til 4 vikur hvørja ferð.

Gildistíð

§ 34. Henda kunngerð kemur í gildi 1. januar 2026 og fer úr gildi 1. januar 2027.

 

 

Tilfeingis- og vinnumálaráðið, 30. desember 2025

 

Eirikur í Jákupsstovu (sign.)

landsstýrismaður

/ Pól E. Egholm (sign.)

 

 

 

 

Skjal 1

 

Skitsa av rist og ristseksjón

 

Skiljiristin hevur sum endamál at skilja stóran fisk frá smáum og sleppa størra fiskinum út gjøgnum op í undirnetinum.

 

 

 

Ristseksjón

 

Ristseksjónin skal setast inn framman fyri posan. Ristin skal hava rimar við í mesta lagi 55 mm millum hvørja. Hallið á ristini skal vera 45° - 60°. Op skal vera í netinum undir ristini. Opið skal vera breiddin á ristini og skal vera frítt soleiðis, at hjáveiða ótarnað sleppur út.

 

 

 

 

 

Skjal 2

 

Fráboðanir til Vørn

 

1) COE - Fráboðan um, at fiskiskapur byrjar. Skal sendast, í fyrsta lagi 6 tímar og í seinasta lagi 2 tímar, áðrenn skipið kemur inn í føroyskt fiskiøki.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	COE, fráboðan um, at fiskiskapur byrjar (Catch on Entry)
Raðnummar	SQ	Nummar á fráboðanini
Loyvisnummar	LC	Nummar á fiskiloyvi (ikki krav)
Beinleiðis veiða	DS	Fiskaslag, sum beinleiðis veiða er eftir
Radio kallimerki	RC	Kallimerki hjá skipinum
IMO nummar	IM	IMO nummar á skipinum (ikki krav)
Túranummar	TN	Túrur hjá skipinum í hesum árinum (ikki krav)
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið hagar skipið fer til fiskiskap
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Veiða umborð	OB	Veiða umborð flokkað eftir fiskasløgum (FAO 3 alpha kodu. Veiðan skal gevast upp í rundari vekt í kg.
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24M h:m)
Viðmerkingar	RE	Viðmerkingar

 

 

2) CAT – Veiðifráboðan hvønn dag. Tá fiskað verður, skal fráboðan sendast dagliga fyrrapartin áðrenn kl. 12 UTC.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	CAT, veiðifráboðan (Daily Catch report)
Raðnummar	SQ	Nummar á fráboðanini
Loyvisnummar	LC	Nummar á fiskiloyvi (ikki krav)
Beinleiðis veiða	DS	Fiskaslag, sum beinleiðis veiða er eftir
Radio kallimerki	RC	Kallimerki hjá skipinum
IMO nummar	IM	IMO nummar á skipinum (ikki krav)
Túranummar	TN	Túrur hjá skipinum í hesum árinum (ikki krav)
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið har skipið er til fiskiskap
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Veiða	CA	Veiða undanfarna samdøgur frá 00.00 til 23.59 (CAT), flokkað eftir fiskasløgum (FAO 3 alpha kodu). Veiðan skal gevast upp í rundari vekt í kg.
Samlað veiða umborð	TC	Samlað veiða umborð (FAO 3 alpha kodu), í rundari vekt í kg.
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24H h:m)
Viðmerkingar	RE	Viðmerkingar

 

 

3) COX – Fráboðan um, at fiskiskapur endar. Skal sendast, í fyrsta lagi 8 tímar og í seinasta lagi 2 tímar, áðrenn skipið skiftir frá einum fiskaslagi til eitt annað ella gevst at fiska. Verður farið úr føroyskum sjógvi, skal fráboðanin sendast í seinasta lagi 12 tímar áðrenn.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	COX, fráboðan, at fiskiskapur endar (Catch on Exit)
Raðnummar	SQ	Nummar á fráboðanini
Loyvisnummar	LC	Nummar á fiskiloyvi (ikki krav)
Beinleiðis veiða	DS	Fiskaslag, sum beinleiðis veiða hevur verið eftir
Radio kallimerki	RC	Kallimerki hjá skipinum
IMO nummar	IM	IMO nummar á skipinum (ikki krav)
Túranummar	TN	Túrur hjá skipinum í hesum árinum (ikki krav)
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið hvaðani skipið kemur av fiskiskapi
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Veiða	CA	Veiða, fiskað undanfarna samdøgur frá 00.00-23.59, flokkað eftir fiskasløgum (FAO 3 alpha kodu). Veiðan skal gevast upp í rundari vekt í kg.
Samlað veiða umborð	TC	Samlað veiða umborð (FAO 3 alpha kodu), í rundari vekt í kg.
Móttøkuhavn	PO	Havn har fiskurin verður uppskipaður/umskipaður
Landað ella umskipað	TR	Upplýs hvat virki ella skip veiðan verður landað ella umskipað til
Dagur, tá veiðan verður landað ella umskipað	PD	Dagurin, tá mett verður, at veiðan verður landað ella umskipað (dd-mm-yyyy)
Klokkutíð har veiðan verður landað ella umskipað	PT	Tíð á degnum mett verður, at veiðan verður landað ella umskipað (24H h:m)
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24H h:m)
Viðmerking	RE	Viðmerking

 

 

 

 

Skjal 3

Fráboðanir til Vørn

 

Fiskiskapur uttan fyri føroyskan sjógv

 

COE – Fráboðan um, at fiskiskapur byrjar. Skal sendast, í fyrsta lagi 6 tímar og í seinasta lagi 2 tímar, áðrenn fiskiskapur byrjar.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	COE, fráboðan um, at fiskiskapur byrjar
Raðnummar	SQ	Nummar á fráboðanini
Beinleiðis veiða	DS	Fiskaslag (FAO 3-alpha-I, international)
Radio kallimerki	RC	Kallimerki hjá skipinum
IMO nummar	IM	IMO nummar á skipinum
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið har skipið er til fiskiskap (altíð: Altjóða sjógvi)
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Samla veiða umborð	OB	Veiða umborð flokkað eftir fiskasløgum (FAO 3 alpha kodu, FAO 3-alpha kodu-I . Veiðan skal gevast upp í rundari vekt í kg.
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24H h:m)
Viðmerkingar	RE	Viðmerkingar

 

 

2) CAT – Veiðifráboðan at senda hvønn dag, áðrenn klokkan 12:00 UTC, tá fiskað verður av føroyskari kvotu av svartkjafti, makreli ella norðhavssild í altjóða sjógvi.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	CAT, veiðifráboðan (Daily Catch report)
Raðnummar	SQ	Nummar á fráboðanini
Beinleiðis veiða	DS	Fiskaslag (FAO 3-alpha-I, international)
Radio kallimerki	RC	Kallimerki hjá skipinum
IMO nummar	IM	IMO nummar á skipinum
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið har skipið er til fiskiskap (altíð: Altjóða sjógvi)
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Veiða	CA	Veiða undanfarna samdøgur frá 00.00 til 23.59 (CAT), flokkað eftir fiskasløgum (FAO 3-alpha kodu-I). Veiðan skal gevast upp í rundari vekt í kg.
Samlað veiða umborð	TC	Samlað veiða umborð (FAO 3-alpha kodu, FAO 3-alpha kodu-I ), í rundari vekt í kg.
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24H h:m)
Viðmerkingar	RE	Viðmerkingar

 

 

3) COX – Fráboðan um, at fiskiskapur endar. Skal sendast, í fyrsta lagi 8 tímar og í seinasta lagi 2 tímar, áðrenn skipið skiftir frá einum fiskaslagi til eitt annað ella gevst at fiska.

 

Fráboðanin skal hava fylgjandi tekst:

Dataelement	Koda	Frágreiðing
Fráboðan	TM	COX, fráboðan, at fiskiskapur endar
Raðnummar	SQ	Nummar á fráboðanini
Beinleiðis veiða	DS	Fiskaslag (FAO 3-alpha-I, international)
Radio kallimerki	RC	Kallimerki hjá skipinum
IMO nummar	IM	IMO nummar á skipinum
Skip	NA	Navn á skipinum
Skipari	MA	Navn á skiparanum
Havnarkenningarnummar	XR	Havnarkenningarnummar hjá skipinum
Veiðiøki	RA	Økið har skipið er til fiskiskap (altíð: Altjóða sjógvi)
Breiddarstig	LA	Knattstøða (N/S breidd), tá fráboðanin verður send
Longdarstig	LO	Knattstøða (E/V longd), tá fráboðanin verður send
Veiða	CA	Veiða síðan seinastu CAT fráboðan, flokkað eftir fiskasløgum (FAO 3-alpha code-I). Veiðan skal gevast upp í rundari vekt í kg.
Samlað veiða	TC	Samlað veiða fiska av føroyskari kvotu í altjóða sjógvi hendan túrin umborð (FAO 3-alpha kodu-I ), í rundari vekt í kg.
Dagfesting	DA	Dagfesting, tá fráboðanin er send (dd-mm-yyyy)
Klokkutíð	TI	Klokkutíð, tá fráboðanin er send í UTC (24H h:m)
Viðmerkingar	RE	Viðmerkingar