Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
16. mars 2005Nr. 23
Kunngerð um tíðaravmarkað veiðibann á gýtingarleiðum fyri skip úr Noregi og ES-londum
Við heimild í § 9, stk. 2, nr. 3 og § 9a, stk. 2 í løgtingslóg nr. 28 frá 10. mars 1994 um vinnuligan fiskiskap við seinni broytingum verður ásett:
§ 1. Umframt tær ásetingar, sum eru gjørdar um stongdar leiðir í kunngerð um ES-fiskiskapin á ytru landleiðini eftir botnfiski og kunngerð um norska botnfiskaveiðu á ytru landleiðini, er ikki loyvt skipum úr ES-londum og Noregi at veiða á leiðum við reiðskapi í tíðarskeiði, sum niðanfyri tilskilað:
1) Í tíðarskeiðinum frá 15. februar til 31. mars, báðir dagar íroknaðir, er ikki loyvt at veiða við nøkrum veiðihætti, veiða við snellu og garnaveiða eftir havtasku tó undantikin, innan fyri linjur drignar millum hesi støð:
a) 61°40'00" N - 08°25'00" V
b) 61°54'00" N - 08°40'00" V
c) 61°54'00" N - 07°25'30" V
d) 61°58'00" N - 07°15'00" V
e) 61°53'00" N - 07°04'00" V
f) 61°45'00" N - 07°04'00" V
g) 61°40'00" N - 07°16'00" V
h) 61°40'00" N - 08°25'00" V
2) Í tíðarskeiðinum frá 15. februar til 15. apríl, báðir dagar íroknaðir, er fiskiførum størri enn 80 tons, fiskifør uttan egningarmaskinu tó undantikin, ikki loyvt at veiða við línu millum 315° rættvísandi úr Barðinum (62°08'48"N, 07°26'00"V) og 360° rættvísandi úr Mýlingi (62°18'11"N, 07°12'30"V) og millum 6 fjórðingar og 12 fjórðingar úr grundlinjunum.
3) Í tíðarskeiðinum frá 1. februar til 1. apríl, báðir dagar íroknaðir, er ikki loyvt at veiða við nøkrum veiðihætti, veiða við snellu og garnaveiða eftir havtasku tó undantikin, millum 315° rættvísandi úr Barðinum (62°08'48"N, 07°26'00"V) og 360° rættvísandi úr Mýlingi (62°18'11"N 07°12'30"V) frá 12 fjórðingum úr grundlinjunum og út á linjur drignar millum hesi støð og í hesi raðfylgju:
a) 62°32'00"N, 08°15'00"V
b) 62°46'00"N, 07°12'30"V
4) Í tíðarskeiðinum frá 15. januar til 15. mai, báðir dagar íroknaðir, er ikki loyvt at veiða við troli millum 360° rættvísandi úr Mýlingi (62°18'11"N 07°12'30"V) og 360° rættvísandi úr Ennibergi (62°23'49"N, 06°33'38"V) frá 12 fjórðingum úr grundlinjunum og út á linjur drignar millum hesi støð og í hesi raðfylgju:
a) 62°46'00"N, 07°12'30"V
b) 62°48'00"N, 07°00'00"V
c) 62°50'00"N, 06°33'38"V
5) Í tíðarskeiðinum frá 15. februar til 15. apríl, báðir dagar íroknaðir, er ikki loyvt at veiða við nøkrum veiðihætti, veiða við snellu, snøri og tráðu tó undantikin, millum 360° rættvísandi úr Mýlingi (62°18'11"N, 07°12'30"V) og 360° rættvísandi úr Kallinum (62°22'15"N, 06°48'20"V) og millum 6 fjórðingar og 12 fjórðingar úr grundlinjunum.
6) Í tíðarskeiðinum frá 15. februar til 15. apríl, báðir dagar íroknaðir, er ikki loyvt at veiða við nøkrum veiðihætti millum 360° rættvísandi úr Ennibergi (62°23'49"N, 06°33'38"V) og longdarstigið 06°00'00''V millum 16 fjórðingar úr grundlinjunum og út á eina linju drigin millum hesi støð og í hesi raðfylgju:
a) 62°45'00''N, 06°33'38''V
b) 62°37'00''N, 06°00'00''V
og millum 360° rættvísandi úr Ennibergi (62°23'49"N, 06°33'38"V) og longdarstigið 6°15'00''V millum 12 fjórðingar og 16 fjórðingar úr grundlinjunum.
7) Í tíðarskeiðinum frá 15. januar til 1. apríl, báðir dagar íroknaðir, er ikki loyvt at veiða við nøkrum veiðihætti, línuveiða undantikin, innan fyri linjur drignar millum hesi støð og í hesi raðfylgju:
a) 62°20'00"N 05°45'00"V
b) 62°20'00"N 05°25'00"V
c) 62°15'00"N 05°25'00"V
d) 62°09'00"N 05°40'00"V
e) 62°09'00"N 05°50'00"V
f) 62°20'00"N 05°45'00"V
8) Í tíðarskeiðinum frá 1. mars til 1. mai, báðir dagar íroknaðir, er ikki loyvt at veiða við nøkrum veiðihætti á Føroya Banka innan fyri linjur drignar millum hesi støð og í hesi raðfylgju:
a) 60°57'20"N 07°57'00"V
b) 61°03'00"N 07°57'00"V
c) 61°15'30"N 08°16'00"V
d) 61°13'20"N 08°42'12"V
e) 61°00'00"N 09°11'00"V
f) 60°48'40"N 09°25'00"V
g) 60°26'00"N 09°08'25"V
h) 60°36'30"N 08°45'00"V
i) 60°45'40"N 08°37'00"V
j) 60°57'20"N 07°57'00"V
§ 2. Brot á hesa kunngerð verða revsað við bót sambært § 40, stk. 1 í lógini um vinnuligan fiskiskap.
§ 3. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 18 frá 16. februar 1998 um tíðaravmarkað veiðubann á gýtingarleiðum fyri skip úr Noreg og úr ES-londum.
Fiskimálaráðið, 16. mars 2005
Bjørn Kalsø (sign.)
landsstýrismaður
/ Andras Kristiansen (sign.)
