Kunngerð nr. 26 frá 6. apríl 2005 um broyting í kunngerð um gjald fyri ferða-, uppihalds- og kostútreiðslur til sjúklingar, sum verða ávístir til sjúkraviðgerð uttanlands

6. apríl 2005Nr. 26

Kunngerð um broyting í kunngerð um gjald fyri ferða-, uppihalds- og kostútreiðslur til sjúklingar, sum verða ávístir til sjúkraviðgerð uttanlands

§ 1

Í kunngerð nr. 73 frá 16. november 2004 um gjald fyri ferða-, uppihalds- og kostútreiðslur til sjúklingar, sum verða ávístir til sjúkraviðgerð uttanlands, verða gjørdar hesar broytingar:

1)   Í § 2 verður “og uppihald” strikað.

2)   Í § 4 verður sum stk. 4 sett:

“Stk. 4. Velur ein sjúklingur sjálvur eitt annað uppihaldsstað enn tað, sum sjúkrahúsverkið hevur ávíst viðkomandi til, ber sjúklingurin sjálvur ferðaútreiðslurnar millum sjálvvalda uppihaldsstaðið og viðgerðarstaðið.”

3)   Í § 7 verður sum stk. 3 sett:

“Stk. 3. Treytin fyri at kunna verða ávístur sum fylgjari er, at fylgjarin er sálarliga og likamliga fullførur.

4)   Í § 10 verður aftaná stk. 2 sum nýtt stk. sett:

“Stk. 3. Sjúklingar, sum hava bíðað eftir transplantatión ella líknandi í longri tíð, kunnu fáa ávíst annað uppihaldsstað í bíðitíðini enn tað frammanundan ávísta uppihaldsstaðið. Almanna- og heilsumálaráðið tekur avgerð um annað uppihaldsstað.”

Stk. 3 verður hereftir stk. 4.

5)   Í § 10 verður sum stk. 5 sett:

“Stk. 5. Sjúklingar yngri enn 18 ár kunnu verða ávístir til at nýta Ronald McDonald Huset sum uppihaldsstað í viðgerðartíðini. Almanna- og heilsumálaráðið tekur avgerð um annað uppihaldsstað.”

§ 2

Henda kunngerð kemur í gildi dagin eftir, at hon er kunngjørd. Kunngerðin fær virknað frá 1. januar 2005.

Almanna- og heilsumálaráðið, 6. apríl 2005

Hans Pauli Støm (sign.)

landsstýrismaður

/ Aibritt á Plógv (sign.)