Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
3. april 2009Nr. 30
Kunngerð um broyting í kunngerð um fiskiskap eftir havtasku og svartkalva við gørnum á føroysku landleiðunum
§ 1
Í kunngerð nr. 62 frá 17. september 2004 um fiskiskap eftir havtasku og svartkalva við gørnum á føroysku landleiðunum verða gjørdar hesar broytingar:
1) Í § 1, stk. 1, nr. 1, litra a, verður eftir 1. pkt. sett inn: “Dýpdaravmarkingin fevnir tó ikki um fiskiskap eftir havtasku á Ytsta Banka og á tí partinum av Ytra Banka, sum er vestan fyri 10°11' V og sunnan fyri 60°38' N.”
2) Í § 2, stk.1 verður eftir 1. pkt. sett inn: “Hetta er tó ikki galdandi fyri fiskiskap við gørnum á leiðum norðan fyri 62°39’N og vestan fyri 8°V.”
§ 2
Henda kunngerð kemur í gildi dagin eftir, at hon er kunngjørd.
Fiskimálaráðið, 3. apríl 2009
Jacob Vestergaard (sign.)
landsstýrismaður
/ Andras Kristiansen (sign.)
