Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
4. mars 2003Nr. 30
Kunngerð um rentustuðul til persónar, sum hava rætt til endurgjald á annan hátt fyri rentuútreiðslur
Við heimild í § 8, stk. 2 í løgtingslóg nr. 148 frá 30. desember 1996 um stuðul til rentuútreiðslur av lánum, sum broytt við løgtingslóg nr. 45 frá 30. mars 2001, verður ásett:
§ 1. Persónur, sum fær endurgjald á annan hátt fyri rentuútreiðslur, hevur ikki samstundis rætt til rentustuðul eftir løgtingslóg um stuðul til rentuútreiðslur av lánum, samanber við § 8, stk. 1 í lógini.
§ 2. Persónur, sum hevur rætt til endurgjald á annan hátt fyri rentuútreiðslur, kemur ikki undir ásetingina í § 1, um viðkomandi kann prógva, at hann hevur frásagt sær rættin til endurgjald á annan hátt fyri rentuútreiðslur.
Stk. 2. Skjalprógvan sambært stk. 1 skal fylgja við á hvørjum ári, tá søkt verður um rentustuðul.
§ 3. Henda kunngerð kemur í gildi dagin eftir, at hon er kunngjørd og er galdandi frá 1. januar 2003.
Fíggjarmálaráðið, 4. mars 2003
Karsten Hansen (sign.)
landsstýrismaður
/ Petur Alberg Lamhauge (sign.)
