Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
Nr. 31 15. apríl 2016
Kunngerð um broyting í kunngerð um sjálvbodna trygging
(Broyttur inngangur og áseting av gjaldi fyri 2016-2017)
§ 1
Í kunngerð nr. 63 frá 16. september 2004 um sjálvbodna trygging, sum seinast broytt við kunngerð nr. 18 frá 23. mars 2015, verða gjørdar hesar broytingar:
1. Inngangurin verður orðaður soleiðis:
“Við heimild í § 15, stk. 2 og § 21 í løgtingslóg nr. 74 frá 8. mai 2001 um dagpening vegna sjúku v.m. verður ásett:”
2. § 6, stk. 1 verður orðað soleiðis:
“Tryggingargjaldið til sjálvbodnu tryggingina sambært § 21 í dagpeningalógini fyri tíðarskeiðið 1. juni 2016 til 31. mai 2017 er 7.024,00 kr.”
§ 2
Henda kunngerð kemur í gildi dagin eftir, at hon er kunngjørd.
Almannamálaráðið, 15. apríl 2016
Eyðgunn Samuelsen (sign.)
landsstýrismaður
/ Eyðun Mohr Hansen (sign.)
