Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
3. apríl 2020Nr. 38
Kunngerð um at leingja gildistíðina á koyrikortum til motorakfør yvir 3500 kg, viðfestisakfør til hesi akfør og til vinnuligan fólkaflutning vegna COVID-19
Við heimild í § 18, stk. 4 og 7 og § 18 b, stk. 1 í løgtingslóg nr. 65 frá 9. september 1963 um ferðslu, sbrt. løgtingslógarkunngerð nr. 14 frá 2. mars 1988, sum broytt við løgtingslóg nr. 133 frá 22. desember 2000, løgtingslóg nr. 54 frá 22. apríl 2003, løgtingslóg nr. 49 frá 11. mai 2009, løgtingslóg nr. 72 frá 19. mai 2004 og løgtingslóg nr. 94 frá 6. juni 2017 verður ásett:
§ 1. Koyrikort til bólkarnar C, C/E, D og D/E og koyrikort til vinnuligan fólkaflutning latin sbrt. kunngerð um koyrikort og koyrifrálæru, sum fara úr gildi í tíðarskeiðinum 1. februar til 30. apríl 2020, eru galdandi til 31. august 2020.
§ 2. Henda kunngerð kemur í gildi dagin eftir, at hon er kunngjørd, og fer úr gildi 31. august 2020.
Fíggjarmálaráðið, 3. apríl 2020
Jørgen Niclasen (sign.)
landsstýrismaður
/ Bjarni Askham Bjarnason (sign.)
