9. apríl 2003Nr. 45

Kunngerð um gjøld fyri skráseting í skipaskránni v.m.

Við heimild í § 8 í løgtingslóg nr. 9 frá 5. mars 1970 um skráseting av skipum, sum seinast broytt við løgtingslóg nr. 75 frá 23. mai 1997, verður ásett:

§ 1. Endamálið við kunngerðini er at áseta gjøld fyri veitan av tænastum og skrásetingum í Føroya Skipaskráseting.

§ 2. Gjøldini sambært §§ 3, 4, 5 og 6 eru galdandi fyri skip við eini bruttoregistar-tonsatali ella bruttotonsatali uppá 15 ella yvir, sum eru skrásett í Føroya Skipaskráseting, ella sum skulu skrásetast í Føroya Skipaskráseting.

§ 3. Fyri skráseting av veðbrævi, ognarveðbrævi, skaðaloysisbrævi v.m. verður at gjalda kr. 2.200,00.

Stk. 2. Fyri skráseting av arrest, úttøku ella dómi, sum viðkemur skipi, verður einki at gjalda.

§ 4. Fyri skráseting av skipsskeyti, sølusáttmála ella byggiváttan verður at gjalda kr. 2.800,00.

§ 5. Fyri útflýggjan av tjóðskaparbrævi verður at gjalda kr. 3.000,00.

Stk. 2. Fyri rættingar gjørdar á tjóðskaparbræv verður at gjalda kr. 2.000,00.

§ 6. Fyri útflýggjan av fyribils tjóðskaparbrævi verður at gjalda kr. 3.000,00.

§ 7. Fyri ljósavrit av skipsblaði verður at gjalda kr. 200,00.

§ 8. Ásettu gjøldini sambært §§ 3, 4, 5, 6 og 7 skulu vera goldin til Føroya Skipaskráseting, áðrenn skjølini verða útflýggjað.

§ 9. Henda kunngerð kemur í gildi 1. mai 2003.

Fiskimálaráðið, 9. apríl 2003

Jacob Vestergaard (sign.)

landsstýrismaður

/ Kaj P. Mortensen (sign.)