15. mai 2007Nr. 49
Fráboðan frá løgmanni um broyting í fráboðan um býti av málsøkjum landsstýrisins millum landsstýrismenninar
§ 1
Í fráboðan løgmans nr. 12 frá 1. apríl 2004 um býti av málsøkjum landsstýrisins millum landsstýrismenninar, sum seinast broytt við fráboðan nr. 86 frá 1. september 2006, verður gjørd tann broyting í § 1 stk. 1 at ”Bárður Nielsen, Sambandsflokkurin, Vestmanna” fer úr embæti sum landsstýrismaður í fíggjarmálum og í embætið kemur "Magni Laksáfoss, Sambandsflokkurin, Streymnes."
§ 2
Fráboðanin um at loysa úr embætinum Bárð Nielsen fekk gildi 9. mai 2007 og at seta í embæti Magna Laksáfoss fær gildi 15. mai 2007. Í millumbilinum hevur løgmaður røkt embætið.
Í Tinganesi 15. mai 2007
Jóannes Eidesgaard (sign.)
løgmaður
/ Herluf Sigvaldsson (sign.)