Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
13. januar 2021Nr. 5
Kunngerð um broyting í kunngerð um skráseting av skotvápnum
(Broyttur inngangur og fjaratgongd til vápnaskránna)
§ 1
Í kunngerð nr. 74 frá 28. juni 2016 um skráseting av skotvápnum, sum broytt við kunngerð nr. 92 frá 7. september 2016, verða gjørdar hesar broytingar:
1. Inngangurin verður orðaður soleiðis:
“Við heimild í § 4, stk. 1 og § 7, stk. 3 í løgtingslóg nr. 43 frá 22. mai 1969 um vápn o.a., sum broytt við løgtingslóg nr. 81 frá 22. mai 2015 og løgtingslóg nr. 158 frá 20. november 2020, verður ásett:”
2. Í § 2 verður sum stk. 2 sett:
“Stk. 2. Politiið kann til fyribyrging, eftirkanning, avdúking og rættarsøkjan av lógarbrotum fáa fjaratgongd til neyðugu upplýsingarnar í vápnaskránni.”
§ 2
Henda kunngerð kemur í gildi dagin eftir, at hon er kunngjørd.
Løgmansskrivstovan, 13. januar 2021
Bárður á Steig Nielsen (sign.)
løgmaður
/ Marjun Hanusardóttir (sign.)
