Kunngerð nr. 54 frá 19. apríl 2002 um broyting í kunngerð nr. 122 frá 24. august 2001 um viðgerð, keyp og sølu v.m. av fiski og fiskavørum á landi

19. apríl 2002Nr. 54

Kunngerð um broyting í kunngerð nr. 122 frá 24. august 2001 um viðgerð, keyp og sølu v.m. av fiski og fiskavørum á landi.

§ 1

Í kunngerð nr. 122 frá 24. august 2001 um viðgerð, keyp og sølu v.m. av fiski og fiskavørum á landi verða hesar broytingar gjørdar:

1)   § 5, stk. 3 verður orðað soleiðis:

“Fiskur, sum verður landaður, skal, antin í sambandi við landingina ella innan fyrstu sølu, góðkennast sum egnaður til matna. Harafturat skal eftirkannast, um hann er hagreiddur eftir teimum kunngerðarkrøvum, sum eru sett til hagreiðing umborð á fiskiførum. Kanningin skal gerast við staksýnum á ein hátt, sum Heilsufrøðiliga Starvsstovan fyriskipar og góðkennir.”

2)   Eftir § 5, stk. 6 verða sett stk. 7, 8 og 9:

“Stk. 7. Landingarmiðstøðum verður loyvd ein umskiftistíð fram til 1. september 2002 til at fáa kravdu viðurskiftini í lagi.

Stk. 8. Er talan um kostnaðarmiklar broytingar í sambandi við krøvini í §§ 16-46 viðvíkjandi bygningum, kann Heilsufrøðiliga Starvsstovan, um hetta er heilsufrøðiliga ráðiligt, leingja umskiftistíðina til 31. desember 2002.

Stk. 9. Í serligum førum og eftir skriftliga umsókn og loyvi frá Heilsufrøðiligu Starvsstovuni, kann umskiftistíðin í stk. 8 verða longd.”

§ 2

Henda kunngerð kemur í gildi dagin eftir, at hon er kunngjørd.

Vinnumálastýrið, 19. apríl 2002

Bjarni Djurholm (sign.)

landsstýrismaður

/ Arne Poulsen (sign.)