Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
31. august 2004Nr. 54
Kunngerð um veiðidagbøkur fyri føroysk fiskifør
Við heimild í § 9, stk. 1, nr. 4, § 32, stk. 1 og § 40, stk. 2 í løgtingslóg nr. 28 frá 10. mars 1994 um vinnuligan fiskiskap, við seinni broytingum, verður ásett:
§ 1. Á øllum føroyskum fiskiførum er tað skylda at føra veiðidagbók sambært vegleiðing um veiðidagbøkur. Undantiknir eru tó útróðrarbátar í bólki 5.
§ 2. Skiparin ella bátsformaðurin á fiskifarinum hevur ábyrgdina av, at veiðidagbókin verður førd sambært vegleiðing um at føra veiðidagbøkur.
Stk. 2. Beinanvegin túrur er endaður, skal veiðidagbókin sendast Fiskiveiðieftirlitinum í frumriti ella elektroniskt í sniði, sum Fiskiveiðieftirlitið hevur góðkent.
§ 3. Veiðidagbøkur verða løggildar av Fiskiveiðieftirlitinum ella mynstringarmyndugleikanum.
§ 4. Brot móti ásetingunum í §§ 1 - 2 verður revsað við bót.
§ 5. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 93 frá 27. juni 1994.
Fiskimálaráðið, 31. august 2004
Bjørn Kalsø (sign.)
landsstýrismaður
/ Herálvur Joensen (sign.)
