Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
9. mai 1994Nr. 57
Kunngerð um góðkendar kavaraskúlar
Samsvarandi § 4, stk. 1, nr. 3 í løgtingslóg nr. 51 frá 28. apríl 1992 um kavaravinnu hevur landsstýrið fyrisett:
§ 1. Vaktar- og bjargingartænastan stendur fyri kavaraskúla, sum er góðkendur eftir lógini at geva frálæru fyri allar kavarar eftir §§ 2 og 3 í lógini samsvarandi reglunum ásettar í kunngerð nr. 26 frá 1. mars 1994 um kavaraskeið og kavararoyndir.
§ 2. Føroya Kavaraskúli er góðkendur at geva frálæru fyri kavarar við rættindum at útinna arbeiði sum lættur kavari niður á 12 m dýpi sambært § 2, stk. 1, nr. 3) í lógini samsvarandi reglunum ásettar í kunngerð nr. 26 frá 1. mars 1994 um kavaraskeið og kavaravinnu, tó avmarkað til 12 m dýpi.
§ 3. Tað áliggur góðkendum kavaraskúla til eina og hvørja tíð at hava ein av landsstýrinum góðkendan leiðbeinara, sum stendur fyri útbúgvingini og venjingunum, umframt neyðug hjálparfólk tøk undir venjingum.
§ 4. Tað áliggur leiðbeinara av skúlanum at tryggja, at reglurnar um kavaraútgerð, um tryggleika og um læknakanningar hjá kavarum sum ásett í kunngerð nr. 138 frá 3. desember 1990 verða fylgdar.
§ 5. Skeiðsgjøld skulu vera góðkend av landsstýrinum.
§ 6. Henda kunngerð fær gildi dagin eftir, at hon er kunngjørd.
