Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
18. januar 1988Nr. 6
Kunngerð um frítíðarvirksemi
Við heimild í § 11, 3. stk. í løgtingslóg nr. 70 frá 30. juni 1983 um frítíðarundirvísing v.m. hevur landsstýrið fyrisett hesar reglur um innihaldið í og vavið av frítíðarvirksemi:
§ 1. Frítíðarvirksemi er virksemi fyri øll børn og ung undir 25 ár, og fyri onnur eftir góðkenning kommununnar, sum áhugafeløg og áhugabólkar skipa fyri, ella sum bý-/bygdarráðið á annan hátt tryggjar íbúgvunum.
§ 2. Frítíðarvirksemi skal:
a) av stigtakaranum vera skipað eftir eini ætlan,
b) standa øllum børnum og ungum undir 25 ár, og øðrum eftir góðkenning kommununnar, í boði,
c) verða lýst alment og
d) hjá hvørjum bólki fevna um í minsta lagi 20 tímar og í mesta lagi 60 tímar og í mesta lagi vera 4 tímar um dagin.
2. stk. Luttøka í frítíðarvirksemi má ikki vera treytað av:
a) einari ávísari hugmyndafatan,
b) tilknýti til ávíst yrki, ein felagsskap ella stovn ella
c) bústaði innan ávíst øki.
3. stk. Frítíðarvirksemi kann í serstøkum føri og við avmarkaðum luttakaratali verða sett á stovn í sambandi við skúla, sjúkrahús, barnaumsorgan, serumsorgan og annað.
4. stk. Landsskúlafyrisitingin kann í serstøkum føri loyva frávik frá ásetingunum í 1. og 2. stk.
5. stk. Bý-/bygdarráðið kann samtykkja, at eingin kann luttaka í meira enn 3 bólkum í 1 virksemisskeiði.
§ 3. Landsskúlaráðið góðkennir almennar reglur um frítíðarvirksemi.
§ 4. Henda kunngerð kemur í gildi dagin eftir, at hon er kunngjørd.
