Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
22. august 1985Nr. 64
Reglugerð um útgávu av skúlabókum og øðrum undirvísingartilfari
§ 1. Eftir løgtingslóg um útgávu av skúlabókum nr. 36 frá 13. mai 1959 sum broytt við løgtingslóg nr. 84 frá 24. oktober 1978, skipar landsskúlastjórin saman við Løgtingsins Skúlabókanevnd fyri og hevur ábyrgdina av útgávu av skúlabókum.
§ 2. Landsstýrið setir skúlabókanevndina við 5 limum og 5 tiltakslimum fyri 4 ár, soleiðis at 2 limir og 2 tiltakslimir verða tilnevndir av landsstýrinum, 2 limir og 2 tiltakslimir verða tilnevndir av landsstýrinum eftir tilmæli frá Føroya Lærarafelag og 1 limur og 1 tiltakslimur verða tilnevndir av landsstýrinum eftir tilmæli frá Yrkisfelag studentaskúla- og HF-lærara. Landsstýrið tilnevnir formann og næstformann.
§ 3. Fyriskipanin og ábyrgdin av útgávuni av skúlabókum og øðrum undirvísingartilfari verður býtt millum landsskúlastjóran og skúlabókanevndina á henda hátt:
1) Landsskúlastjórin skipar fyri og hevur ábyrgdina av at útvega handrit til skúlabøkur og uppskot til annað undirvísingartilfar.
2) Skúlabókanevndin skipar fyri og hevur ábyrgdina av
a) viðgerðini av innkomnum handritum til skúlabøkur og uppskotum til annað undirvísingartilfar,
b) útgávuni av skúlabókum og øðrum undirvísingatilfari, og
c) tí fíggjarligu fyrisitingini av Føroya Skúlabókagrunni, samanber § 4, 2. stk.
2. stk. Undir arbeiðinum, sum nevnt er í 1. stk., kunnu landsskúlastjórin og skúlabókanevndin eftir tørvi nýta sakkunnleikan hjá hvørjum øðrum.
§ 4. Skúlabókanevndin søkir á hvørjum ári í samráð við landsskúlastjóran um peningajáttan til útgávu av skúlabókum og øðrum undirvísingartilfari á fíggjarløgtingslógini, og tann játtaði peningurin fer í grunn, sum verður nevndur Føroya Skúlabókagrunnur.
2. stk. Føroya Gjaldstova hevur kassan hjá og roknskaparførsluna viðvíkjandi Føroya Skúlabókagrunni um hendi undir ábyrgd skúlabókanevndarinnar, samanber § 3, 1. stk., pkt. 2 c).
3. stk. Eftir løgtingslóg nr. 36 frá 13. mai 1959, sum broytt við løgtingslóg nr. 84 frá 24. oktober 1978, er landsstýrinum heimilað at taka neyðug lán til skúlabókaútgávu.
§ 5. Til at taka sær av arbeiði hjá skúlabókanevndini setir nevndin starvsfólk samsvarandi góðkendum lønarlagi.
§ 6. Roknskaparárið fyri Føroya Skúlabókagrunn er hitt sama sum landskassans.
2. stk. Skúlabókanevndin sendir á hvørjum ári innan 3 mánaðir eftir, at roknskaparárið er endað, um landsskúlastjóran Grannskoðaradeild landskassans roknskapin fyri Føroya Skúlabókagrunn fyri farna roknskaparárið.
3. stk. Grannskoðaradeild Landskassans sendir landsstýrinum roknskapin til góðkenningar, tá hann er grannskoðaður.
§ 7. Henda reglugerð kemur í gildi beinanvegin, og samstundis fer úr gildi reglugerð um útgávu av skúlabókum og øðrum undirvísingartilfari nr. 112 frá 16. november 1984.
