Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
28. mai 2009Nr. 70
Kunngerð um broyting í kunngerð um áseting av søluprísi á heilivági
§ 1
Í kunngerð nr. 113 frá 1. juli 1992 um áseting av søluprísi á heilivági, sum seinast broytt við kunngerð nr. 17 frá 10. mars 1997, verða gjørdar hesar broytingar:
1) § 2, stk. 1 verður orðað soleiðis:
“§ 2. Frumsøluprísurin fæst við at leggja afturat fakturaprísinum (FTP) 84,2% av fylgjandi upphæddum fyri hvørja pakking:
1. FTP<29,99: 40% av FTP + 3,00 kr.
2. 30,00<FTP<119,99: 30% av FTP + 6,00 kr.
3. 120,00<FTP: 15% av FTP + 30,00 kr.
4. Til samløguna av 1, 2 ella 3 verða løgd 15%.
2) Í § 16, stk. 2 verður “5,00 kr.” broytt til: “6,00 kr.”
§ 2
Henda kunngerð kemur í gildi dagin eftir, at hon er kunngjørd.
Heilsumálaráðið, 28. mai 2009
Hans Pauli Strøm (sign.)
landsstýrismaður
/Poul Geert Hansen (sign.)
