Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
24. juni 2008Nr. 71
Kunngerð um setan og uppsøgn av tænastumonnum í Nærverkinum
Við heimild í § 3 í løgtingslóg nr. 31 frá 5. juli 1971 um tænastumenn landsins, sum broytt við løgtingslóg nr. 65 frá 9. juni 1988, verður ásett:
§ 1. Tænastumenn í Nærverkinum verða settir í starv av stjóranum í Nærverkinum.
Stk. 2. Ásetingin í stk. 1 er tó ikki galdandi fyri stjóran og deildarleiðarar í Nærverkinum.
§ 2. Tænastumenn í teimum í § 1 nevndu størvum, verða loystir úr starvi av stjóranum í Nærverkinum. Tó kann bert landsstýrismaðurin loysa tænastumenn úr starvi uttan umsókn.
§ 3. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 44 frá 27. mars 2000 um setan og uppsøgn av tænastumonnum á landsins serforsorgarstovnum.
Almanna– og heilsumálaráðið, 24. juni 2008
Hans Pauli Strøm (sign.)
landsstýrismaður
/ Poul Geert Hansen (sign.)
