Kunngerð nr. 79 frá 9. september 2002 um samsýning til fosturforeldur, sum broytt við kunngerð nr. 18 frá 20. februar 2003

9. september 2002Nr. 79

Kunngerð um samsýning til fosturforeldur, sum broytt við kunngerð nr. 18 frá 20. februar 2003

Við heimild í § 18, stk. 4 í lógarkunngerð nr. 104 frá 2. mars 1988 um barnaforsorg, seinast broytt við løgtingslóg nr. 18 frá 12. mars 2002, verður ásett:

§ 1. Fosturforeldur fáa eina samsýning, sum er eitt fast gjald um samdøgrið fyri hvørt fosturbarn.

Stk. 2. Eisini verður rindað eitt fast gjald um samdøgrið fyri vistarhald og klæði, umframt ein ávís upphædd til lummapening um vikuna.

Stk. 3. Útreiðslur til stovnan og útbúnað í sambandi við fosturuppihald kunnu rindast fosturforeldrunum, tá ið barnið verður latið teimum.

Stk. 4. Upphæddirnar eru ásettar í hjáhefta skjali.

Stk. 5. Landsstýrismaðurin javnar upphæddirnar eina ferð um árið.

§ 2. ¹⁾ Um talan er um eitt sera trupult barn, kunnu fosturforeldrini samsýnast við upp til tríggjar ferðir ásettu samsýningina sambært § 1, stk. 1.

Stk. 2. Um talan er um eitt barn, sum er óvanliga trupult og sum tessvegna krevur heilt serliga røkt frá fosturforeldrunum, kunnu hesi samsýnast við upp til sjey ferðir samsýningina sambært § 1, stk. 1.

Stk. 3. ¹⁾ Um talan er um eitt pinkubarn undir 1 ár, kunnu fosturforeldrini samsýnast við upp til sjey ferðir samsýningina sambært § 1, stk. 1.

Stk. 4. Samsýning sambært hesi grein kann veitast í 3 mánaðir í senn. Eftir hetta tíðarskeið skal meting gerast, har mett verður, um tiltakið virkar eftir ætlan og um ráðiligt er at halda áfram við tiltakinum.

§ 3. Hendan kunngerð kemur í gildi dagin eftir, at hon er kunngjørd.

Trivnaðarmálaráðið, 9. september 2002

Páll á Reynatúgvu (sign.)

landsstýrismaður

/ Aibritt á Plógv (sign.)

SKJAL