Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
29. mai 2015Nr. 82
Kunngerð um prístalsviðgerð av tilskoti til tilskotsheimilaðan heilivág
Við heimild í § 18, stk. 6 í løgtingslóg nr. 178 frá 22. desember 2009 um almenna heilsutrygd, sum broytt við løgtingslóg nr. 117 frá 25. september 2013, verður ásett:
§ 1. Eru útreiðslurnar innan fyri eitt ár minni enn 516 kr., verður einki tilskot veitt.
§ 2. Eru útreiðslurnar innan fyri eitt ár 516 kr. ella størri, er tilskotið:
1) 40% av tí partinum av útreiðslunum, sum er 516 kr. ella størri, men minni enn 1.032 kr.,
2) 60% av tí partinum av útreiðslunum, sum er 1.032 kr. ella størri, men minni enn 2.064 kr.,
3) 75% av tí partinum av útreiðslunum, sum er 2.064 kr. ella størri, men minni enn 5.469 kr.
4) 100% av tí partinum av útreiðslunum, sum er 5.469 kr. ella størri.
5) 100% av tí partinum sum er 2.456 kr. ella størri hjá persónum, sum eru fyltir 67 ár.
§ 3. Henda kunngerð kemur í gildi 1. juni 2015.
Heilsumálaráðið, 29. mai 2015
Karsten Hansen (sign.)
landsstýrismaður
/ Turid Arge (sign.)
