Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
6. november 1979Nr. 83
Kunngerð um gjald fyri lógligan steðg og lógliga parkering, sum seinast broytt við kunngerð nr. 64 frá 5. juni 1991
Við heimild í § 58(b), stk. 4, í ferðslulógini, sum broytt við løgtingslóg nr. 52 frá 1. juni 1977 og nr. 40 frá 1. juni 1979 hevur landsstýrið fyrisett:
§ 1. Gjaldið fyri brot á tær eftir § 58(b), stk. 1, í ferðslulógini fyrisettu reglur um steðg og parkering er 200 kr.
§ 2. Gjaldið skal rindast Føroya landfúta innan 10 dagar frá tí degi, tað er álagt. Verður roynt at krevja gjaldið frá eigaranum (nýtaranum) eftir § 58(b), stk. 3, 2. pkt., fær hann eina freist at rinda gjaldið uppá minst 10 dagar roknað frá tí degi, hann hevur fingið boð um gjaldskravið.
§ 3. Landfútin kann í serstøkum førum eftirgeva gjaldið ella leingja gjaldsfreistina.
§ 4. Henda kunngerð kemur í gildi beinanvegin. Samstundis fer úr gildi kunngerð nr. 47 frá 31. juli 1978 um gjald fyri ólógligan steðg og ólógliga parkering.
1) Broytt við kunngerð nr. 61 frá 16. mai 1986 og kunngerð nr. 64 frá 5. juni 1991.
