Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
30. juni 2010Nr. 83
Kunngerð um at leggja umsitingina av matvørulóggávuni til Heilsufrøðiligu starvsstovuna og um kæru
Við heimild í § 45, stk. 1, 2. pkt., og § 56, stk. 1, í løgtingslóg nr. 58 frá 26. mai 2010 um matvørur v.m., verður ásett:
§ 1. Heilsufrøðiliga starvsstovan umsitur eftirlit, umsjón, kanningar og kunningarvirksemi v.m., sum hevur samband við matvørulógarøkið.
§ 2. Avgerðir, sum Heilsufrøðiliga starvsstovan hevur tikið eftir løgtingslóg nr. 58 frá 26. mai 2010 um matvørur v.m. ella reglum, givnar við heimild í lógini, kunnu kærast til Vinnukærunevndina innan fýra vikur eftir, at móttakarin hevur fingið boð um avgerðina. Avgerðir, sum Vinnukærunevndin hevur tikið, kunnu ikki kærast til hægri fyrisitingarligan myndugleika.
§ 3. Henda kunngerð kemur í gildi dagin eftir, at hon er kunngjørd.
Vinnumálaráðið, 30. juni 2010
Johan Dahl (sign.)
landsstýrismaður
/ Arne Poulsen (sign.)
