Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
14. juni 2019Nr. 85
Kunngerð um broyting í kunngerð um at bjóða út rættindi á uppboðssølu í 2019
(Hækking í nøgd av svartkjaftarættindum og sildarættindum og nýggj áseting um at fiska í íslendskum sjógvi)
§ 1
Í kunngerð nr. 5 frá 17. januar 2019 um at bjóða út rættindi á uppboðssølu í 2019, sum broytt við kunngerð nr. 13 frá 27. februar 2019, verða gjørdar hesar broytingar:
1. § 12, stk. 2 verður orðað soleiðis:
“Stk. 2. Hvørt boð skal tilskila, hvørja nøgd í kilo tann, ið bjóðar, er áhugaður í at keypa og hvønn prís í krónum og oyrum fyri kilo, hann er til reiðar at gjalda fyri hesa nøgd.”
2. Í § 16 a, stk. 2 verður “19.552 tons” broytt til: “22.002 tons”.
3. Í § 16 c, stk. 2 verður “18.261 tons” broytt til: “21.574 tons”.
4. Aftan á § 16 d verður í kapittul 4 sett:
“§ 16 e. Nøgdirnar, bjóðaðar út sambært §§ 16 a og 16 c, kunnu eisini fiskast í íslendskum sjógvi.”
§ 2
Henda kunngerð kemur í gildi dagin eftir, at hon er kunngjørd.
Fiskimálaráðið, 14. juni 2019
Høgni Hoydal (sign.)
landsstýrismaður
/ Rógvi Reinert (sign.)
